06:07 07 Баш оона 2020
Түз эфир
  • USD76.9205
  • EUR91.0969
  • RUB1.0531
Саясат
Кыскача шилтеме алуу
Шайлоо-2020 (40)
104 0 0

Жогорку Кеңешке шайлоо 2020-жылдын 4-октябрына белгиленди. Бүгүндөн тартып шайлоого катышчу саясий партиялардан документтерди кабыл алуу боюнча жумушчу топ иштеп баштамакчы.

БИШКЕК, 3-июл. — Sputnik. Президент Сооронбай Жээнбеков Шайлоо жана референдумдарды өткөрүү боюнча борбордук комиссиясынын төрайымы Нуржан Шайлдабекова менен онлайн кеңешме өткөрүп, парламенттик шайлоого карата даярдык маселелерин талкуулады. Бул тууралуу өлкө башчынын маалымат кызматы кабарлады.

Эскерте кетсек, Жогорку Кеңешке шайлоо 2020-жылдын 4-октябрына белгилөө тууралуу президенттин Жарлыгы бүгүн, 3-июлда, күчүнө кирди.

Шайлдабекова БШК тарабынан парламенттик шайлоого карата көрүлүп жаткан уюштуруу иш-чаралары жана даярдыктар тууралуу маалымат берди. Анын айтымында, шайлоо азыркы шарттарда жарандардын саламаттыгын сактоо үчүн бардык санитардык-карантиндик чараларды жана эрежелерди аткаруу менен өткөрүлүшү шарт. БШК бул маселе боюнча өкмөт менен бирге иштешмекчи.

Бекматов: саясий партиялар үгүт иштерин 50 пайызга чейин онлайн өткөрөт

"БШКда жумушчу топтор түзүлүп, бүгүнкү күндөн тартып шайлоого катышууну көздөгөн саясий партиялардан документтерди кабыл алуу боюнча жумушчу топ иштеп баштайт. Шайлоо белгиленгенден кийин биринчи декадада талапкерди көрсөтүү жана каттоо, шайлоо фонддорун түзүү эрежелери, үгүт иштери жана талаш-тартыштар боюнча маалыматтык-түшүндүрүүчү окутуу семинарлары өткөрүлөт", — деп айтылат маалыматта.

БШК төрайымы маалымдагандай, шайлоочуларга маалымат берүүнү кеңейтүү максатында talapker.shailoo.gov.kg платформасы иштелип чыгып, анда шайлоого катышкан партиялардын программалары, ар бир талапкер тууралуу маалыматтар, ошондой эле партиялардын шайлоо фонддоруна келип түшкөн каражат жана алардын сарпталышы менен таанышууга мүмкүн болот.

Президент Кыргызской Республики Сооронбай Жээнбеков сегодня, 3 июля, провел онлайн совещание с председателем Центральной комиссии по выборам и проведению референдумов страны Нуржан Шайлдабековой по обсуждению вопросов подготовки к парламентским выборам.
© Пресс-служба президента КР / Султан Досалиев
Президент Сооронбай Жээнбеков Шайлоо жана референдумдарды өткөрүү боюнча борбордук комиссиясынын төрайымы Нуржан Шайлдабекова менен онлайн кеңешме өткөрүп, парламенттик шайлоого карата даярдык маселелерин талкуулады
"БШК парламенттик шайлоонун бардык катышуучуларына эркин саясий атаандаштык үчүн бирдей укуктук шарттарды түзүп берет", — деп белгиледи Шайлдабекова.

Президент Сооронбай Жээнбеков шайлоонун бардык баскычтарында ачык-айкындуулук менен мыйзамдуулукту сактоо зарылдыгына токтолду.

Боронов партияларга: шайлоого коротчу акчаңарды COVID менен күрөшүүгө бергиле

Президент Кыргызской Республики Сооронбай Жээнбеков сегодня, 3 июля, провел онлайн совещание с председателем Центральной комиссии по выборам и проведению референдумов страны Нуржан Шайлдабековой по обсуждению вопросов подготовки к парламентским выборам.
© Пресс-служба президента КР / Султан Досалиев
Президент Сооронбай Жээнбеков шайлоонун бардык баскычтарында ачык-айкындуулук менен мыйзамдуулукту сактоо зарылдыгына токтолду
"Биз укуктук жагынан жакшы даярдыктарды көрдүк. Бардык зарыл мыйзамдар күчүнө кирди. Эми негизги милдет — шайлоо мыйзамдарын так сактап, ачык-айкын шайлоону өткөрүп алууда", — деди мамлекет башчы.

Жээнбеков саясий партияларга, шайлоочуларга, байкоочуларга жана массалык маалымат каражаттарына шайлоо мыйзамдарынын жаңычылдыктары жөнүндө маалымдоонун маанисине көңүл бурду.

Тема:
Шайлоо-2020 (40)

Тема боюнча

Эч кимге карызым жок! Жээнбеков колдоого алды делген партиялар боюнча жооп берди
Белгилер:
саясый партия, талапкер, ЖМК, шайлоо, Жогорку Кеңеш, Нуржан Шайлдабекова, Сооронбай Жээнбеков

ЭҢ МААНИЛҮҮ