БИШКЕК, 16-июн. — Sputnik. Президент Сооронбай Жээнбеков премьер-министр Мухаммедкалый Абылгазиевдин отставкасын кабыл алды. Бул тууралуу өлкө башчынын маалымат кызматы кабарлады.
Жээнбеков кол койгон Жарлыкка ылайык, кыргыз өкмөтү отставкага кетти деп эсептелип, жаңысы түзүлгөнгө чейин кызмат ордун ээлеген адамдар өкмөт мүчөлөрүнүн милдетин аткарат.
Эскерте кетсек, Мухаммедкалый Абылгазиев премьерликтен кетүү боюнча арызды 15-июнда жазган.
