18:58 02 Чын Куран 2020
Түз эфир
  • USD84.8988
  • EUR92.7010
  • RUB1.0895
Саясат
Кыскача шилтеме алуу
727 0 0

Буга чейин парламенттин маалымат кызматы катта чындап эле одоно каталар болгонун билдирген.

БИШКЕК, 6-мар. — Sputnik. Жогорку Кеңештин төрагасы Дастан Жумабековдун кеңешчиси Алмазбек Сабырбеков кызматынан бошотулду. Бул тууралуу парламенттин маалымат кызматынын жетекчиси Ибраим Нуракун уулу Facebook социалдык тармагына жарыялады.

Анын айтымына караганда, Жогорку Кеңештин аппараты өткөн аптада социалдык тармакка тарап кеткен кат боюнча алдын ала иликтөөсүн жыйынтыктады.

"Алмазбек Сабырбеков төраганын кеңешчиси катары анын иш кагаздарын жүргүзүүгө жооптуу кызматкер болгон. Белгилей кетели, кат боюнча иликтөө иштери уланат", — деп жазды Нуракун уулу.

Эске салсак, буга чейин интернетте ЖК төрагасы Дастан Жумабековдун премьерге жазган катасы көп "каты" пайда болгон. Кат мамлекеттик тилде жазылып, чыгыштама номери менен мөөр коюлган. Анда "премьер-министр" деген сөз "пример-министр", "Абылгазиевге" дегендин ордуна "Абылгазиеву" болуп жазылып калган. Мындан сырткары, каттагы кээ бир сөздөрдүн тамгалары түшүп, башкы сөз кичинекей тамга менен жазылып турат.

Кийинчерээк, парламенттин маалымат кызматы катта чындап эле одоно каталар болгонун, бирок ал катты төрага өз колу менен жазбаганын билдирген.

Тема боюнча

Төраганын премьерге жазган катасы көп каты. Жогорку Кеңеш үн катты
Интернетте төраганын премьерге жазган катасы көп "каты" пайда болду
Белгилер:
кат, төрага, Жогорку Кеңеш

ЭҢ МААНИЛҮҮ