22:17 18 Баш оона 2019
Түз эфир
  • USD69.7979
  • EUR77.3640
  • RUB1.0576
Бишкек ТЭЦинин кызматкери. Архив

ТЭЦтеги авариядан кийин камакка алынган энергетика тармагындагы жетекчилер. Тизме

© Sputnik / Табылды Кадырбеков
Саясат
Кыскача шилтеме алуу
ТЭЦ боюнча козголгон кылмыш иштер жана кармалгандар (61)
121010

Быйылкы кыштын эң суук күндөрүнүн биринде, 26-январь күнү Бишкек ТЭЦинде авария болуп, анын кесепетинен калаа тургундары жылуулуксуз калган.

БИШКЕК, 18-апр. — Sputnik. Бишкек ТЭЦиндеги авариядан кийин козголгон кылмыш ишинин алкагында акыркы айларда энергетика тармагындагы бир нече жетекчи шектүү катары кармалды.

Ошол кездеги ТЭЦ жетекчиси Нурлан Өмүркул уулу кызматтан кетип, кийин жылуулук тармагын модернизациялоодо жабдуулар кымбат сатып алынганын айтып чыккан.

Ошондой эле ал Кытайдан алынган 386 миллион долларлык насыяга жаңыланган ТЭЦке химиялык цех курулбай калганын кошумчалаган.

Ал эми УКМК ТЭЦтеги авария боюнча кылмыш ишин козгоп, анын алкагында энергетика тармагындагы бир катар жетекчилерди колго түшүргөн. Алар кимдер экенин Sputnik Кыргызстан агенттиги тизмектеп чыкты.

Бердибек Боркоев

УКМКнын маалыматына караганда, "Электр станциялары" ишканасынын айрым жетекчилери буу казандарды оңдоо үчүн сынактын талапка ылайык жүргүзүлбөгөнүнө карабастан, уюмдар менен келишимдерди түзүп, алардын эсебине акча каражатын которуп турган. Ал эми иш жүзүндө ремонт иштери ТЭЦтин өзүнүн күчү менен ишке ашкан. Мындан улам акционердик коомдун жетекчисинин мурунку орун басары Бердибек Боркоев бир катар аткаминерлер менен ири суммадагы акчаны мыйзамсыз чыгарып алган деп күнөөлөнүп, март айында кармалган.

Алмазбек Жусупбеков

"Электр станциялары" ишканасынын техникалык директору Алмазбек Жусупбеков Боркоев шектелген иштин алкагында колго түшүрүлгөн.

Узак Кыдырбаев

"Электр станциялары" ишканасынын башкы директору Узак Кыдырбаев Кылмыш жаза кодексинин 221-беренеси (Коммерциялык же башка уюмдардын кызматчыларынын ыйгарым укуктарын кыянаттык менен пайдаланышы) боюнча айыпталып, УКМК тарабынан кармалган.

Темирлан Бримкулов

Ошол эле 221-берене менен айыпталган Бишкек ТЭЦин модернизациялоо боюнча топтун аткаруучу директору Темирлан Бримкулов 4-апрель күнү кармалып, УКМКнын убактылуу кармоо жайына киргизилди.

Салайдин Авазов

Жалал-Абад шаарынын мэри болуп турган Салайдин Авазов ТЭЦтеги авария боюнча козголгон кылмыш иштин алкагында кармалды. Авазов буга чейин "Электр станциялары" ишканасынын башкы директору болуп иштеген.

Жолдошбек Назаров

Салайдин Авазов менен бирге ошол кезде ишкананын директорунун орун басары кызматын аркалаган Жолдошбек Назаров да камакка алынды. Экөө тең кечээ, 17-апрелде Улуттук коопсуздук мамлекеттик комитети тарабынан кармалган.

Айбек Калиев

Ал эми бүгүн, 18-апрель күнү УКМК "Улуттук энергетикалык холдингдин" башкаруучулугунун мурдагы төрагасы Айбек Калиевди "Бишкек ТЭЦин модернизациялоо" долбоорунун алкагында козголгон кылмыш иши боюнча шектүү катары кармады.

Тема:
ТЭЦ боюнча козголгон кылмыш иштер жана кармалгандар (61)

Тема боюнча

УКМК Айбек Калиевди кармады
УКМК Бишкек ТЭЦтеги авария боюнча Жалал-Абаддын мэрин камакка алды
Белгилер:
кылмыш иши, авария, УКМК, ТЭЦ, Кыргызстан

ЭҢ МААНИЛҮҮ