БИШКЕК, 16-окт. — Sputnik. Президенттикке талапкерлигин койгон Өмүрбек Бабанов журналисттердин суроолоруна жооп берип жатып Кыргызстанды таштап кетпей турганын айтты.
"Албетте мен дагы эс алышым керек. Канча айдан бери талыкпай эмгектенип жаттык. Бирок жакынкы аралыкта чет өлкөгө чыгуу планымда жок", — деди Бабанов.
Ал бул күндөрү өзүнүн командасы менен чогулуп, талкуу жүргүзөрүн белгилеп өттү.
Борбордук шайлоо комиссиясынын алдын ала маалыматы боюнча шайлоочулардын 54,75 пайыз добушуна ээ болгон Сооронбай Жээнбеков алдыда келе жатат. Ал эми Өмүрбек Бабанов 33,8 пайыз добуш алып, экинчи сапка чыкты.
Буга чейин Өмүрбек Бабановдун штабы шайлоонун жыйынтыгы анализден өтүп жатканын маалымдаган.
Шайлоонун улам жаңыланып турган жыйынтыгы менен Sputnik Кыргызстан агенттиги даярдаган интерактивдүү инфографикадан тааныша аласыз>>
