00:52 24 Тогуздун айы 2017
Түз эфир
Казак президенти Нурсултан Назарбаевдин архивдик сүрөтү

Казак өкмөтү: Назарбаев чек ара маселесин чечүү боюнча тапшырма берген эмес

© Sputnik / Рамиль Ситдиков
Саясат
Кыскача шилтеме алуу
Кыргызстан менен Казакстандын чек арасындагы абал (51)
265220

Кыргызстандын өкмөт башчысы Казакстандын президенти менен жолуккан эмес. Ошондой эле Назарбаев кыргыз-казак чек арасындагы абалды жөнгө салуу боюнча тапшырма берген эмес.

БИШКЕК, 12-окт. — Sputnik. Казак өкмөтү Кыргызстандын премьер-министри Сапар Исаков президент Нурсултан Назарбаев менен жолукпаганын, ошол эле учурда аларга өлкө башчы кыргыз-казак чек арасындагы абалды жөнгө салуу боюнча тапшырма бербегенин билдирди. Бул тууралуу Sputnik Казакстан агенттиги жазып чыкты.

"Сочи шаарында өткөн Жогорку Евразиялык экономикалык кеңештин алкагында Казакстандын президенти Кыргызстандын премьер-министри менен жолуккан эмес. Болгону Исаков өлкө башчынын жанына келип сүйлөшкөн. Ал сүрөт Исаковдун Facebook баракчасына жарыяланган", — деп айтылат казак өкмөтү тараткан билдирүүдө.

Андан сырткары, маалыматта "Казакстандын президенти чек арада жаралган абалды жөнгө салуу боюнча тапшырма берди" деген маалымат дагы чындыкка коошпой турганы жазылган.

"Чындыгында өкмөткө аталган маселе боюнча өкмөттөр аралык кеңешме өткөрүү тапшырылган", — деп кабарланат билдирүүдө.

Белгилей кетсек, 11-октябрда кечинде КР өкмөтү премьер-министр Сапар Исаков Сочи шаарында өтүп жаткан Жогорку Евразиялык экономикалык кеңештин жыйынында Казакстандын президенти Нурсултан Назарбаев менен сүйлөшүп, кыргыз-казак чек арасындагы абал тууралуу маалымат бергенин билдирген. Сүйлөшүүдөн кийин Нурсултан Назарбаев казак өкмөтүнө чек арада түзүлгөн кырдаалды жөнгө салуу боюнча буйрук бергени маалымдалган.

Тема:
Кыргызстан менен Казакстандын чек арасындагы абал (51)

Тема боюнча

Казак бийлиги: КРдин жүк ташуучулары Казакстандын мыйзамдарын этибар албай жатат
Өкмөт: Назарбаев кыргыз-казак чек арасындагы абалды жөнгө салууну тапшырды
Нурсултан Назарбаев 77 жашта! Эл башы тууралуу кызыктуу 15 факты
Белгилер:
чек ара, Сапар Исаков, Нурсултан Назарбаев, Казакстан, Кыргызстан
Колдонуу эрежелериПикирлер

ЭҢ МААНИЛҮҮ