ТАШКЕНТ, 5-окт. – Sputnik. Кыргызстан менен Өзбекстан биринчи жолу аскер тармагында кызматташып жатканын Шавкат Мирзиёев эки тараптуу жолугушуулардын жыйынтыктоочу брифинги учурунда билдирди.
"Парламенттер чек ара боюнча келишимди ратификациялайт деп ким ойлоду эле? Мындай нерсе эч качан болгон эмес. Бул меселеге келгенде парламентте дагы адистерде дагы көптөгөн суроолор жаралып келген", — деди Мирзиёев.
Ал ошондой эле эки өлкө президенттери элдин мүдөөсүн аткаруу үчүн ушундай келишимдерге кол коюп жатканын белгиледи.
"Аскердик кызматташуунун келечегин аныктадык. Сиздерге ачык айтайын, биз аскер багытында иштешүү тууралуу биринчи жолу сүйлөшүп жатабыз. Мына документке да кол койдук", — деди Мирзиёев.
Коңшу өлкөнүн башчысы учурда Кытай — Кыргызстан — Өзбекстан темир жолу тууралуу маселеге өзгөчө маани берилип жатканын да кошумчалап өттү.
