БИШКЕК, 14-июл. — Sputnik. "Шматрица" ЖЧКсынын директору Руслан Жунусов КР президенттигине өзүнүн талапкерлигин көрсөтүп, арыз менен Борбордук шайлоо комиссиясына кайрылды.
Маалыматка ылайык, учурда ал 48 жашта жана "Шматрица" ЖЧКсын жетектейт.
14-июлда саат 16:00гө алынган маалымат боюнча президенттикке талапкерлигин көрсөткөндөрдүн саны 26 кишиге жетти. Анын ичинен 22 жаран өзүн-өзү көрсөтсө, 4 жаран саясий партиялар тарабынан көрсөтүлгөн.
Партиядан көрсөтүлгөндөр: Бакыт Төрөбаев ("Өнүгүү-Прогресс"саясый партиясынан), Темир Сариев ("Ак-Шумкар" саясий партиясынан), Турсунбек Акун (Адам укугу саясий партиясынан) жана Адахан Мадумаров ("Бүтүн Кыргызстан" партиясынан).
Белгилей кетсек, президенттик шайлоо 2017-жылдын 15-октябрында өткөрүлөт. Талапкерлерди көрсөтүү 1-августка чейин созулат.
