Текебаев менен Сооронбай Жээнбеков кайым айтыша кетти

© Пресс-служба правительства / Сабыр АильчиевПленарное заседание Жогорку Кенеша Кыргызской Республики
Пленарное заседание Жогорку Кенеша Кыргызской Республики - Sputnik Кыргызстан
Жазылуу
Өмүрбек Текебаев өкмөттүк саатты узартуу керек десе, Сооронбай Жээнбеков өкмөттүк жыйыны бар экендигин билдирди.

БИШКЕК, 2-фев. — Sputnik. Жогорку Кеңеште "Ата Мекен" фракциясынын лидери Өмүрбек Текебаев менен премьер-министр Сооронбай Жээнбеков кайым айтыша кетти.

Белгилей кетсек, бүгүн парламентте өкмөттүк саат өтүп, Сооронбай Жээнбеков баштаган министрлер ЕАЭБ боюнча отчет беришүүдө. Жыйын учурунда Өмүрбек Текебаев өкмөттүк саатты узартуу керек десе, Сооронбай Жээнбеков өкмөттүк саат үчүн эки саат гана бөлүнгөндүгүн айтып, убактысы бүткөндүгүн билдирди.

"Өкмөттүк сааттын убактысы бүттү. Мен 14:00дө жыйын курушум керек", — деди Жээнбеков.

Заседание депутатов Жогорку Кенеша - Sputnik Кыргызстан
Жогорку Кеңеш кворум жоктугунан ишин эрте токтотту
Ал эми Өмүрбек Текебаев өкмөт парламентти угушу керектигин, эгерде ЖК чечим чыгарса калышы керектигин айтты.

"Бир маселени чечкен жоксуңар. Эгерде талап жакпаса отставкага кеткиле. Кудай буюрса, чечебиз деп коюп эле отурасыңар", — деди Текебаев.

Ага жооп катары Сооронбай Жээнбеков баары регламент боюнча кетип жатканын билдирди.

"Эки саат дедиңиздер эле. Ал убакыт бүттү. Мен өкмөттүк жыйын курушум керек. Сиз айтсаңыз эле жыйын курбай каламбы?" — деди премьер-министр.

Кайым айтышууга спикер Чыныбай Турсунбеков кийлигишип, аларды ачууга алдырбоого чакырды.

Ал эми кайрадан сөз алган Текебаев, учурда өкмөт экономиканы талкалап, ЕАЭБге кирип жаткандагы убаданын бирин да аткарбагандыгын кошумчалады.

Жаңылыктар түрмөгү
0