23:05 14 Теке 2020
Түз эфир
  • USD77.5098
  • EUR87.9814
  • RUB1.0897
Сүрөт

Эми өнөрпоздор көл жээгинде... Көз жоосун алган көчмөндөр театрынын сүрөттөрү

Кыскача шилтеме алуу
664 0 0
  • Көл жээгинен орун алган Nomad амфитеатрынын асмандан көрүнүшү. Анын жалпы аянты эки гектарды түзөт
  • Коноктор сахнанын артынан мелтиреп турган ажайып көлдү көрө алышат. Уюштуруучулардын айтымында, мындай стилдеги амфитеатр Борбор Азияда биринчилерден болуп курулган. Амфитеатрдын ички көрүнүшү
  • Анын алды жагына конок күтүүчү боз үйлөр салынган
  • Иш-чара Манас айтуу менен башталды. Сүрөттө Самат Көчөрбаев
  • Андан соң Токтогул Сатылганов атындагы филармониянын артисттеринин театралдаштырылган концерти көрсөтүлдү. Анын сюжетинде жети дубан бир туунун астына келип биригип канат күүлөгөн образы чагылдырылат
  • Көчмөндөрдүн ордосунун негизги бөлүгү таштан жасалган. Анын негиздөөчүсү — Аскар Салымбеков, автору — Ташкул Керексизов
  • Концерттин көркүн чыгарган шайыр апалар
  • Nomad амфитеатрын куруу идеясы былтыр өткөн Көчмөндөр оюндарынан кийин пайда болгон. Сахнада белгилүү ырчы Токтобек Асаналиев
  • Бул жай бүгүндөн тартып кыргызстандык жана дүйнөлүк өнөрпоздорго эшигин ачты. Анын ичине 1000ге чукул адам батат. Сүрөт сахнанын арт жагынан тартылган
  • Эл ырчысы Эстебес тобунун солисти Мээрим Карыпова театрлаштырылган оюн-зоок учурунда
  • Кийинки жылы Көчмөндөр оюндарында бул жерде маданий иш-чаралардан сырткары спорттун айрым түрлөрүн да өткөрүүгө болорун айтышууда. Сахнанын түндүк-батыш тарабы.
© Фото / пресс-служба ассоциации "Дордой"
Көл жээгинен орун алган "Nomad" амфитеатрынын асмандан көрүнүшү. Анын жалпы аянты эки гектарды түзөт

Жекшемби күнү Ысык-Көлдүн Бостери айылында көчмөн стилинде курулган "Nomad" амфитеатрынын ачылыш аземи болуп өттү.

Иш-чарага маданият, маалымат жана туризм министри Түгөлбай Казаков, Кыргызстандагы элчилер жана жергиликтүү тургундар катышты.

Амфитеатрдын негиздөөчүсү Аскар Салымбековдун айтымында, маданий жайды куруу демилгеси Көчмөндөр оюндарынын кийин пайда болгон.

"Былтыр Көчмөндөр оюндарында манас айтуу, акындардын айтышы сыяктуу өнөрпоздордун ордосу боло турган кошумча жай керек экени байкалып калды. Мындан улам Ташкул Керексизов агай менен кеңешип ушундай амфитеатр куруу идеясы жаралды. Кийинки жылы Көчмөндөр оюндарында бул жерде маданий иш-чаралардан сырткары спорттун айрым түрлөрүн да өткөрсөк болот. Бүгүнтөн тартып бардык каалоочулар үчүн эшигибиз ачык", — деди Салымбеков.

Мындан сырткары амфитеатрдын астына конок күтүүчү боз үйлөр дагы салынган. Ал көл жээгинде жайгашып, ичине 1000ге чукул адамды батыра алат. Сахнанын артында көл көрүнүп тургандыктан артисттер суунун үстүндө жүргөндөй образ жаратат. Курулуш иштери үч айга созулган.

Тема боюнча

Ысык-Көлдө 1000 адамды батыра алган көчмөндөрдүн амфитеатры ачылды
Гимн менен "Манастын" автору Жалил Садыков тууралуу 5 факты
Белгилер:
амфитеатр, көчмөн, сахна, Ысык-Көл

Дагы сүрөт түрмөктөрү

ЭҢ МААНИЛҮҮ