14:18 27 Тогуздун айы 2021
Түз эфир
  • USD84.7891
  • EUR98.4232
  • RUB1.2191
Миграция
Кыскача шилтеме алуу
96 0 0

Министр өлкөнүн социалдык-экономикалык жана маданий дараметин өнүктүрүүгө коомдук уюмдардын жана активисттердин салымы зор экенин белгилеген.

БИШКЕК, 9-сен. — Sputnik. Тышкы иштер министри Руслан Казакбаев Москва шаарындагы жана Москва облусундагы коомдук бирикмелердин, бизнес-ассоциациялардын, диаспоралык уюмдардын өкүлдөрү жана мекендештер менен видеожыйын өткөрдү. Бул тууралуу ТИМдин маалымат кызматы кабарлады.

  • Видеоконференция Министра иностранных дел КР Руслана Казакбаева с представителями кыргызских общественных объединений, бизнес-ассоциаций, диаспоральных организаций и соотечественниками проживающими в России
    Тышкы иштер министри Руслан Казакбаев Москва шаарындагы жана Москва облусундагы коомдук бирикмелердин, бизнес-ассоциациялардын, диаспоралык уюмдардын өкүлдөрү жана мекендештер менен видеожыйын өткөрдү
    © Фото / пресс-служба МИД КР
  • Видеоконференция Министра иностранных дел КР Руслана Казакбаева с представителями кыргызских общественных объединений, бизнес-ассоциаций, диаспоральных организаций и соотечественниками проживающими в России
    Жолугушууда негизинен Россиянын бардык шаарларында жашап-иштеген кыргызстандыктардын актуалдуу маселелери жана көйгөйлөрү талкууланган
    © Фото / пресс-служба МИД КР
  • Видеоконференция Министра иностранных дел КР Руслана Казакбаева с представителями кыргызских общественных объединений, бизнес-ассоциаций, диаспоральных организаций и соотечественниками проживающими в России
    Мындан сырткары, Россияда мекендештердин санынын көптүгүн белгилеп, аларды 28-ноябрда Жогорку Кеңештин депутаттарын шайлоого активдүү катышууга чакырды.
    © Фото / пресс-служба МИД КР
1 / 3
© Фото / пресс-служба МИД КР
Тышкы иштер министри Руслан Казакбаев Москва шаарындагы жана Москва облусундагы коомдук бирикмелердин, бизнес-ассоциациялардын, диаспоралык уюмдардын өкүлдөрү жана мекендештер менен видеожыйын өткөрдү

Жолугушууда негизинен Россиянын бардык шаарларында жашап-иштеген кыргызстандыктардын актуалдуу маселелери жана көйгөйлөрү талкууланган.

"Министр өлкөнүн социалдык-экономикалык жана маданий дараметин өнүктүрүүгө коомдук уюмдардын жана активисттердин салымы зор экенин белгиледи. Ошондой эле коронавирус илдети менен күрөшүүдө жардам берген мекендештерге ыраазычылыгын билдирди", — деп айтылат маалыматта.

Казакбаев жыйындын катышуучуларына президенттин "Миграциялык кырдаалды жакшыртууга багытталган чараларды кабыл алуу жөнүндө", "Жеке адамдын руханий жана адеп-ахлактык өнүгүүсү жана дене тарбиясы жөнүндө" жана "Кыргыз Республикасынын чет өлкөдө кайтыш болгон жарандарынын сөөгүн өлкөгө репатриациялоо тартиби жөнүндө" жарлыктарынын аткарылышы тууралуу кеңири маалымат берген.

Мындан сырткары, Россияда мекендештердин санынын көптүгүн белгилеп, аларды 28-ноябрда Жогорку Кеңештин депутаттарын шайлоого активдүү катышууга чакырды.

Жолугушуунун жүрүшүндө катышуучулар бир катар суроолорду берип, ошондой эле элчиликтин жана башкы консулдуктардын ишин жакшыртуу боюнча сунуштарын айтышкан.

"Жүк-200дү жеткирүү, консулдук мекемелердин кызматкерлеринин санын көбөйтүү, чартердик каттамдардын географиясын жана жыштыгын кеңейтүү, "Мекен-кардды" киргизүү, "кара тизме" көйгөйү жана башка маселелер талкууланды. Министр мигранттарды Россиянын мыйзамдарын, үрп-адатын жана тартибин сактоого чакырып, "кара тизмеден" чыгаруу жана бул чараны айыпка же башка анча катаал эмес административдик чараларга алмаштыруу маселеси боюнча сүйлөшүүлөр улана турганын айткан", — деп жазылган маалыматта.

Ошондой эле эмгек мигранттарынын үй-бүлө мүчөлөрүн медициналык камсыздандыруу боюнча иштер ЕАЭБдин алкагында эки жана көп тараптуу форматта улана турганын белгилеген.

Мекендештердин кайрылуулары министр Руслан Казакбаев тарабынан көзөмөлгө алынганы кошумчаланды.

Тема боюнча

Мигранттардын мушташы. Мамдума депутаты айып пулду көбөйтүүнү сунуштады
Мигранттардын акчасы өлкөдөгү жакырчылыкка канчалык таасир этет. Статистика
Белгилер:
Россия, ТИМ, Руслан Казакбаев, элчилик, мигранттар, жолугушуу, маселе

ЭҢ МААНИЛҮҮ