Оренбургда калып калган 400дөн ашуун кыргызстандык 9 автобус менен жолго чыкты

© Фото / пресс-служба МИД КРВозвращение кыргызстанец из городов Соль-Илецк и Бузулук
Возвращение кыргызстанец из городов Соль-Илецк и Бузулук - Sputnik Кыргызстан
Жазылуу
Мекендештердин жеке машиналары үчүн Соль-Илецкидеги унаа токтотуучу жай акысыз берилген. Бирок 70 жаран автоунаасын таштабай, өздөрү да калып калды.

БИШКЕК, 5-май — Sputnik. Оренбург облусунда Казакстандын чек арасынан өтө албай турган кыргызстандыктар бүгүн, 5-майда, жергиликтүү убакыт боюнча саат 8.00дө (11.00 бшк) жолго чыгышты. Бул туурасында Кыргызстандын Россиядагы элчилигинин алдында түзүлгөн штаб билдирди.

Кыргыз-казак өкмөттөрүнүн ортосунда жетишилген келишимге ылайык, мекендештердин бир жолу өтүүсүнө уруксат берилген.

“Кыргызстандын 441 жараны тогуз атайын автобус менен медицина кызматкерлеринин коштоосунда чыгып кетишти. Автобустардын жетөө кыргыз өкмөтүнүн эсебинен, экөө коммерциялык негизде жеткирет. Ал эми жеке машиналарын калтыргандарга Оренбург облусунун өкмөтү тарабынан Соль-Илецк шаарынын Аскер бөлүгүнүн унаа коюучу жайы акысыз берилди. Тилекке каршы, консулдук жана диаспора активисттеринин түшүндүргөнүнө карабай, ал жерде дагы 70 жаран автоунаалары менен Казакстан чек арасынын ачылышын күтүп калышты”, — деп айтылат маалыматта.

Мындан сырткары, Оренбург облусунун Бузулук шаарынын кире беришинде да 300 жаран турган. Элчи Аликбек Жекшенкулов облус губернатору Денис Паслерге кайрылып, айрымдарын чек арадан өткөрүү маселеси чечилген.

Бүгүн Дубайдан дагы 180 кыргызстандык мекенине алып келинди - Sputnik Кыргызстан
Бүгүн Дубайдан дагы 180 кыргызстандык мекенине алып келинди. Сүрөттөр
“Бузулукта тургандардын ичинен кош бойлуу аялдар, жашы жете элек балдар жана улгайган кишилерден 155и тандалып, жогоруда белгиленген автобус менен мекенине жөнөтүлдү”, — деп айтылат билдирүүдө.

Элчиликтин штабы бүгүнкү күнү Соль-Илецк менен Бузулукта кырдаал жөнгө салынганын белгилейт. Ошону менен катар эле Казакстан бир жолку өтүүгө гана уруксат бергенин айтып, мындан ары чек ара жабык болорун эскертти. Андыктан мекендештерди жашаган жеринен чыкпай, санитардык эрежелерди сактоо менен кырдаал жакшырганга чейин күтө турууга чакырат.

Ошондой эле элчилик кыргызстандыктарга көмөктөшкөнү үчүн Россиянын жергиликтүү бийлик органдарына ыраазычылыгын билдирген.

Жаңылыктар түрмөгү
0