18:30 21 Баш оона 2019
Түз эфир
  • USD69.8160
  • EUR77.4818
  • RUB1.0536
Новосибирск шаары. Архивдик сүрөт

Новосибирск шаарында Кыргызстандын Башкы консулдугу түзүлдү

© Sputnik / Александр Кряжев
Миграция
Кыскача шилтеме алуу
193 0 0

Башкы консулдуктун округу Россиянын Алтай Республикасынын, Алтай крайынын, Кемерово, Новосибирск, Омск жана Томск облустарынын аймактарын камтыйт.

БИШКЕК, 24-янв. — Sputnik. Россиянын Новосибирск шаарында Кыргызстандын Башкы консулдугу түзүлмөкчү. Мындай Жарлыкка президент Сооронбай Жээнбеков кол койгонун өлкө башчынын маалымат кызматынан кабарлашты.

Жарлыкка ылайык, түзүлгөн Башкы консулдуктун округу Россиянын Алтай Республикасынын, Алтай крайынын, Кемерово, Новосибирск, Омск жана Томск облустарынын аймактарын камтыйт. Муну менен катар эле өзгөрүүлөр да болду. Аталган аймактар Екатеринбург шаарындагы Кыргызстандын Башкы консулдугунун консулдук округунан чыгарылган. Екатеринбург шаарындагы аталган Башкы консулдуктун филиалы — Новосибирск шаарындагы Вице-консулдугу жабылды.

Аталган Башкы консулдук округу Кыргызстан — Россия региондору менен байланышты активдештирип өнүктүрүү, экономикалык жана маданий кызматташтыкты кеңейтүү максатында түптөлгөн. Маалыматта дагы бир багыт маанилүү экендиги, ал Россиядагы кыргызстандык жарандарды тейлөө экендиги айтылды.

Тема боюнча

Эми мигранттын балдарын туугандары камкордукка алуу менен гана бага алат
Россиядагы мигранттардын көйгөйү жана аны чечүү жолдору талкууланат
Белгилер:
дипломатиялык мамиле, жарлык, башкы консулдук, Новосибирск, Кыргызстан, Россия

ЭҢ МААНИЛҮҮ