20:48 22 Жетинин айы 2019
Түз эфир
  • USD69.8500
  • EUR77.3135
  • RUB1.0964
Москва шаарындагы Кызыл аянт. Архив

Миграция кызматы кыргызстандыктарга Россиядан иш таап берүүдө. Жол-жобосу

© Sputnik / Рамиль Ситдиков
Миграция
Кыскача шилтеме алуу
165540

Бүгүн да беш мекендеш Москвага жөнөтүлдү.

БИШКЕК, 31-июл. — Sputnik. Мамлекеттик миграция кызматынын маалыматтык-консультациялык бөлүмү "Уюшулган түрдө Россия Федерациясына жумушка орноштуруу" программасынын алкагында 120 кыргызстандыкты аталган өлкөгө жиберди. Бул туурасында мекеменин башкы адиси Жандарбек Айтназаров билдирди.

Кыргызстанцы работающие в Москве
© Фото / Жандарбек Айтназаров
Атайын программанын алкагында 120 кыргызстандык Россияга барып жумушка орношкон

Анын айтымында, үстүбүздөгү жылдын январь айынан тарта атайын программа ишке кирип, Россиядагы компаниялар менен келишим түзүлгөн.

"Биз аркылуу кеткен жарандарга жумуш берүүчү компания авиабилетин алып берип, жатакана менен камсыздайт. Ал эми тамак-ашын жеңилдетилген баада сатып алышат. Айлыктары 30-35 миң рублди түзөт. Эгер келишимдеги шарттар сакталбай бизге даттанса, кырдаалды жөнгө салып беребиз. Жарандар көбүнчө завод, фирмаларга жүк жүктөө, таңгактоо жана тазалоо сыяктуу иштерге барышууда", — деди Айтназаров.

Сотрудники службы миграции КР в Москве Жумабек Кожомкулов и Бактыгүль Оролова
© Sputnik / Эламан Карымшаков
Сапарга чыккандардын катарында жаш үй-бүлө Жумабек Кожомкулов менен Бактыгүл Оролова бар

Ошондой эле ал учурда дагы вакансия бар экенин кошумчалап, иштейм дегендер кайрыла берсе болорун кошумчалады.

"Резюмесин калтырган жаран менен жумуш берүүчү компаниянын өкүлү онлайн маектешүү өткөрүп тандайт. Негизги талаптар — жашы 18ден 50гө чейин, медициналык китепчеси бар жана орус тилин билиши керек. Жаран мындай кызматыбыз үчүн бизге болгону 300 сом төлөйт. Бул программа карапайым калкка чоң жардамын тийгизет. Бүгүн да беш адамды Москвага жөнөтүп жатабыз", — деди башкы адис.

Бүгүн сапарга чыккандардын катарында жаш үй-бүлө Жумабек Кожомкулов менен Бактыгүл Оролова бар. Кетер алдында алар Sputnik Кыргызстан агенттигинин кабарчысы менен баарлашты.

"Москвадагы этти кайра иштетүү фирмасына баратабыз. Аялдар товарларды таңгактап, аны эптей албаса пол жууп иштейт экен. Мен айдоочулукка баратам. Айлыгы 30 миңден 35 миң рублге чейин. Эгер дем алышсыз иштесең 40 миңге жетет дешүүдө. Биз үй-бүлөлүү болгондуктан өзүнчө бир бөлмө бере турган болушту. Онлайн аңгемелешүүдөн өтүп, 6 айга чейин келишим түздүк. Андан ары да келшимди узартып иштеп кетсек болот. Азыр билет кымбат болуп, жаныбыздан 7 миң рубль төлөдүк, муну кийин кайтарып беришет. Программаны буга чейин Россияда ишке орношкон жездем сунуштаган", — деди Кожомкулов.

Мамлекеттик миграция кызматынын маалыматтык-консультациялык бөлүмү бул кызмат аркылуу Россияга жумушка орношуу алда канча жеңил жана коопсуз болорун айтууда. Кайрылган адам аңгемелешүүдөн өтсө бир жумага жетпей учуп кетет.

Тема боюнча

Улан-кыздарды кууратты деген компанияга эми Анталиядан арызданышууда
Элчилик Россиядагы "Кыргыз айылы" боюнча көйгөйдү чечүүнүн жолун издеп жатат
Абдылдаев менен Лавров Россиядагы мекендештердин укуктарын талкуулашты
Белгилер:
жумуш, мигранттар, Мамлекеттик миграция кызматы, Россия

ЭҢ МААНИЛҮҮ