Ар жума сайын Sputnik Кыргызстандын кабарчысы ачык маалыматтарды карап, Бишкек менен Ош шаарларындагы турак жайлардын ижара акысына байкоо жүргүзөт.
Бул жумада Бишкектен эмереги жок бир бөлмөлүү батирди 10-14 миң сомго, эмереги менен 10-20 миң сомго ижарага алууга болот. Баанын арзан же кымбат болушу үйдүн ремонтунун сапатынан жана жайгашкан аймагынан көз каранды. Эки бөлмөлүү батирлерди 10-21 миң, үч бөлмөлүүлөрдү 15-40 миң сомго чейин алууга болот.
Борбор калаанын түштүк тарабынан эмереги жок бир бөлмөлүү батирди 7-8 миңге тапса болот, ал эми эмереги барлар 9 миңден 16 миң сомго чейин барат.
Ошто эки бөлмөлүү батирлер 6 миңден 20 миңге чейин, үч бөлмөлүүлөр 7 миңден 30 миң сомго чейин жетет.
