https://sputnik.kg/20210501/batkendegi-chyr-sebep-chek-ara-1052350046.html
ИИМ Баткендеги чек ара чыры эмнеден чыкканын баяндап берди
ИИМ Баткендеги чек ара чыры эмнеден чыкканын баяндап берди
Sputnik Кыргызстан
Чек арадагы ок атышуу 29-апрель күнү болжол менен саат 14:00дө башталган. Алгач Тажикстан тарап миномёт менен аткылап, анын биринчи снаряды Башкы суу... 01.05.2021, Sputnik Кыргызстан
2021-05-01T19:50+0600
2021-05-01T19:50+0600
2021-12-14T14:27+0600
жаңылыктар
кыргызстан
окуялар
иим
баткен
чек ара
баткендеги кыргыз-тажик жаңжалы
https://sputnik.kg/img/07e5/04/1e/1052336287_0:314:3067:2048_1920x0_80_0_0_165bf68636ac4933ea0026c200212c5c.jpg
БИШКЕК, 1-май. — Sputnik. Баткен облусундагы кыргыз-тажик чек ара жаңжалынын себеби тажиктер тарабынан Башкы суу сактагычтагы электрдик устунга видеобайкоо камераларын орнотуу болгон. Бул тууралуу ИИМдин ички аскерлер бөлүмүнүн маалымат кызматы кабарлады.Аталган бөлүмдүн чек арадагы окуя тууралуу баяндоосун толугу менен беребиз:29-апрель, болжол менен саат 13:30. Башкы суу сактагыч курулуш жайына жергиликтүү жашоочулар келип, мурда коюлган видеокамераларды алып салууну талап кылышкан. Тажикстандын аркы беттеги чогулган адамдары буга макул болбой, бир нече мергенчилик мылтыктардан кыргызстандыктарды көздөй ок чыгарышкан.29-апрель, болжол менен саат 14:00. Алгач Тажикстан тарап миномёт менен аткылап, биринчи снаряды Башкы суу сактагыч курулушуна түштү. Миномёттун снаряды жарылып, жергиликтүү жашоочулар майда сыныктарынан жаракат алышкан.Ок атышуу болгондо Башкы суу сактагыч курулушун майор Ибрагим Акматов башында турган ИИМдин ички аскерлеринин 707-аскер бөлүгүнүн "Шер" атайын багыттагы отрядынын өздүк курамы кайтарып турган. Алар жарадар болгондорго биринчи медициналык жардам көрсөтүп, буга кошумча ок атып жооп кайтарышкан.Андан соң Тажикстан аскерлери миномёт менен "Шер" атайын отрядын көздөй ок чыгарган. Бул учурда аскерлер жергиликтүү жашоочуларды алып чыгып жатканда жаракат алышкан. Тажикстандын аскер кызматкерлери жашыруун жайлардан мылтык менен аткан. Бирок "Шер" атайын багыттагы отряд дагы Тажикстандын аскер бөлүктөрүнө жооп кайтарган. Жыйынтыгында тажик аскерлери өз позицияларын таштап, жергиликтүү пункттун ички тарабына кирип кеткен. Ал жактан алар миномёт, атайын жабдууланган, зооттолгон автоунаа жана мылтык менен ок чыгарышкан.Болжол менен саат 16:30. Ички аскердин кол башчысы полковник Исламбек Кенжекуловдун буйругу менен 707-аскер бөлүгүнүн БМД экипажы келди. БМД экипажынын ок атуу соккусунун жардамы менен Тажикстан армиясынын зооттолгон машинасы жок кылынды. Андан соң саат 18:30дар чамасында тажик тараптан ок атуу токтогон.ИИМдин Ички аскерлеринин маалымат кызматы азыркы саатка карата 14 аскер жабыркаганын билдирди. Алардын бардыгы Бишкек шаарынын жана Баткен облусунун ооруканаларында дарыланууда.
https://sputnik.kg/20210501/batken-34-adam-kaza-tapty-1052349793.html
https://sputnik.kg/20210501/kyrgyzstan-menen-tazhikstan-ukmk-bashchylarynyn-videosu-1052349618.html
баткен
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, кыргызстан, окуялар, иим, баткен, чек ара, баткендеги кыргыз-тажик жаңжалы
жаңылыктар, кыргызстан, окуялар, иим, баткен, чек ара, баткендеги кыргыз-тажик жаңжалы
ИИМ Баткендеги чек ара чыры эмнеден чыкканын баяндап берди
19:50 01.05.2021 (Жаңыртылды: 14:27 14.12.2021) Чек арадагы ок атышуу 29-апрель күнү болжол менен саат 14:00дө башталган. Алгач Тажикстан тарап миномёт менен аткылап, анын биринчи снаряды Башкы суу сактагычтын курулушуна түшкөн.
БИШКЕК, 1-май. — Sputnik. Баткен облусундагы кыргыз-тажик чек ара жаңжалынын себеби тажиктер тарабынан Башкы суу сактагычтагы электрдик устунга видеобайкоо камераларын орнотуу болгон. Бул тууралуу ИИМдин ички аскерлер бөлүмүнүн маалымат кызматы кабарлады.
Аталган бөлүмдүн чек арадагы окуя тууралуу баяндоосун толугу менен беребиз:
29-апрель, болжол менен саат 13:30. Башкы суу сактагыч курулуш жайына жергиликтүү жашоочулар келип, мурда коюлган видеокамераларды алып салууну талап кылышкан. Тажикстандын аркы беттеги чогулган адамдары буга макул болбой, бир нече мергенчилик мылтыктардан кыргызстандыктарды көздөй ок чыгарышкан.
29-апрель, болжол менен саат 14:00. Алгач Тажикстан тарап миномёт менен аткылап, биринчи снаряды Башкы суу сактагыч курулушуна түштү. Миномёттун снаряды жарылып, жергиликтүү жашоочулар майда сыныктарынан жаракат алышкан.
Ок атышуу болгондо Башкы суу сактагыч курулушун майор Ибрагим Акматов башында турган ИИМдин ички аскерлеринин 707-аскер бөлүгүнүн "Шер" атайын багыттагы отрядынын өздүк курамы кайтарып турган. Алар жарадар болгондорго биринчи медициналык жардам көрсөтүп, буга кошумча ок атып жооп кайтарышкан.
Андан соң Тажикстан аскерлери миномёт менен "Шер" атайын отрядын көздөй ок чыгарган. Бул учурда аскерлер жергиликтүү жашоочуларды алып чыгып жатканда жаракат алышкан. Тажикстандын аскер кызматкерлери жашыруун жайлардан мылтык менен аткан. Бирок "Шер" атайын багыттагы отряд дагы Тажикстандын аскер бөлүктөрүнө жооп кайтарган. Жыйынтыгында тажик аскерлери өз позицияларын таштап, жергиликтүү пункттун ички тарабына кирип кеткен. Ал жактан алар миномёт, атайын жабдууланган, зооттолгон автоунаа жана мылтык менен ок чыгарышкан.
Болжол менен саат 16:30. Ички аскердин кол башчысы полковник Исламбек Кенжекуловдун буйругу менен 707-аскер бөлүгүнүн БМД экипажы келди. БМД экипажынын ок атуу соккусунун жардамы менен Тажикстан армиясынын зооттолгон машинасы жок кылынды. Андан соң саат 18:30дар чамасында тажик тараптан ок атуу токтогон.
ИИМдин Ички аскерлеринин маалымат кызматы азыркы саатка карата 14 аскер жабыркаганын билдирди. Алардын бардыгы Бишкек шаарынын жана Баткен облусунун ооруканаларында дарыланууда.
