17:16 28 Жетинин айы 2020
Түз эфир
  • USD84.7984
  • EUR101.1815
  • RUB1.1178
Окуялар
Кыскача шилтеме алуу
206 0 0

ИИМден билдиришкендей, кызматкерлер шалаакылык кылып, шектүүнү милиция бөлүмүнө алып келгенге чейин медициналык кароодон өткөрүп алган эмес.

БИШКЕК, 20-ноя. — Sputnik. Ош облустук милициясынын имаратында көз жумган адамдын өлүмү боюнча алты милиционер кармалды. Бул тууралуу УКМКдан билдиришти.

Маалыматка караганда, Жазык кодексинин 143-беренесине ("Кыйноо") ылайык кылмыш иши козголгон. Каза болгон адам 26 жашта болчу.

Кармалгандардын бардыгы Криминалдык милициянын 31ден 39 жашка чейинки кызматкерлери.

Окуянын чоо-жайы

Буга чейин Ош облустук милициясынын имаратына К. уулу М. аттуу шектүү алып келинип, ал кызматтык кабинетте эсин жоготкон. Кийин ал өзүнө келбеген бойдон ооруканада үзүлгөн. Шектүү милициянын кыйноосунан каза болду делип, коомдо катуу талкуу жаралган.

Маалыматка караганда, Кара-Суу районунун Кызыл-Кыштак айылында бейтааныш адамдар жабырлануучуну тапанча менен коркутуп, 4 миллион 230 миң сомун карактап кетишкен.

Тергөө учурунда бул кылмышты жасаган делип Он-Адыр кичи районунун 27 жаштагы тургуну И.Э. суракка алынып, Кара-Суу РИИБдин убактылуу кармоочу жайына киргизилген. 15-октябрда аталган кылмыш ишине тиешеси бар делип Ноокат районунун Муркут айылынын К. уулу М. аттуу 26 жаштагы тургунун тергөөгө алып келүү үчүн милиция кызматкерлери Кызыл-Кыя шаарына барышкан. Милиция кабарлагандай, ал күч кызматкерлерине куралдуу каршылык көрсөтүүгө аракет кылып, жанынан ок атуучу курал жана төрт ок табылган.

ИИМден билдиришкендей, кызматкерлер шалаакылык кылып, аны бөлүмгө алып келгенге чейин медициналык кароодон өткөрүп алган эмес. Ошондой эле К. уулу М. башкармалыкка алып келингени каттоо документине жазылбай калган. Анын өлүмүнө өз убагында медициналык жардам көрсөтүлбөгөнү себеп болгону айтылууда.

Бул окуядан кийин милициянын беш офицери ээлеген кызматынан бошотулуп, төмөнкү кызматтарга которулган. Өз кызматынан подполковник, майор жана үч капитан кол жууганы айтылат.

Тема боюнча

Сузакта милиция кызматкери 30 000 сом пара алып жатканда кармалды
УКМК: Аламүдүн районунун прокурору менен орун басары пара алды деп кармалды. Сүрөт
Белгилер:
өлүм, шектүү, УКМК, милиция, Ош, Кыргызстан

ЭҢ МААНИЛҮҮ