БИШКЕК, 10-ноя. — Sputnik. Өлкөдө коронавирус жуктургандардын ичинен 3 444 бейтап ооруканада дарыланууда. Бул тууралуу Республикалык штаб кабарлады.
Стационарда дарыланып жаткандардын ичинен:
- 56 — канааттандырарлык абалда;
- 2 259 — орточо оор абалда;
- 988 — оор абалда;
- 141 — өтө оор абалда.
9-ноябрдагы статистикага салыштырмалуу бүгүн абалы өтө оор делгендердин саны 10 адамга көбөйгөн. Амбулатордук шартта дарыланган бейтаптардын саны да өсө түшкөн.
Кечээтен бери эле 570 кишиден COVID табылды
Акыркы маалыматтар боюнча, бүгүнкү күнү 3 892 бейтап үйлөрүнөн дарыланышууда.
