Финпол: моргдо маркумдардын жакындарынан акча талап кылган фактылар аныкталды

© Sputnik / Акылбек БатырбековРеспубликанское патолого-анатомическое бюро в Бишкеке
Республиканское патолого-анатомическое бюро в Бишкеке - Sputnik Кыргызстан
Жазылуу
Финполго каза болгон адамды сойдургусу келбеген туугандарынан өлүккананын кызматкерлери акча талап кылып жатканы тууралуу жашыруун билдирүүлөр түшкөнү айтылат.

БИШКЕК, 21-июл. — Sputnik. Экономикалык кылмыштуулукка каршы күрөшүү боюнча мамлекеттик кызматы (Финпол) каза болгондордун туугандарынан өлүкканада акча талап кылынышы боюнча фактыларды аныктады.

Ведомствонун маалымат кызматынан билдиришкендей, кылмышка Республикалык патологоанатомиялык бюронун кызматкерлери шектелүүдө.

Клексан 14 миң сомго чыккан! Бишкекте алып сатарлар кармалды. Сүрөт

Финполго каза болгон адамды сойдургусу келбеген туугандарынан өлүккананын кызматкерлери акча талап кылып жатканы тууралуу жашыруун билдирүүлөр түшкөнү айтылат. Ошондой эле өлүктү кезексиз алып кетүү үчүн пара сурагандар бар экени кабарланды.

КР Жазык кодексинин 238-беренесине ("Кызматкердин мыйзамсыз түрдө сый акы алуусу”) ылайык сотко чейинки өндүрүш башталды.

Ноокат РИИБдин жетекчи орун басары 50 миң сом пара менен кармалды

Ушул убакка чейин канча факты аныкталганы жана канча акча талап кылынгандыгы тууралуу маалымат берилген жок.

Толуктоо: Маалымат чыккандан кийин Финансы полициясынан сотко чейинки өндүрүш Республикалык патологоанатомиялык бюронун эмес, Республикалык соттук-медициналык экспертиза бюросунун кызматкерлерине карата жүргүзүлүп жатканын билдиришти. Баса, бул эки мекеменин имараттары бири-бирине жакын жайгашкан.

Жаңылыктар түрмөгү
0