БИШКЕК, 6-май — Sputnik. Борбор калаада автоунаа өрттөнүп кетти. Кырсыктын видеосу "Короче" Telegram-каналына жарыяланды.
Күбөнүн айтымында, өрт Некрасов көчөсү тараптан чыккан.
ӨКМдин маалымат кызматы билдиргендей, Кулиев көчөсүндө автоунаа өрттөнгөндүгү тууралуу билдирүү 6-майда саат 14:52лерде келип түшкөн. Кырсык болгон жерге бир өрт өчүрүү кызматы тартылган. Саат 15:14тө өрт өчүрүлгөн.
Кырсыктан жабыркагандар болгон жок.
