Күбө: маршрутка айдоочусу балалуу аялды жулкулдатып түшүрүп салды. Видео

© Sputnik / Константин Чалабов / Медиабанкка өтүүШаардын тургундары маршрутканын остановкасында турган учурда. Архив
Шаардын тургундары маршрутканын остановкасында турган учурда. Архив - Sputnik Кыргызстан
Жазылуу
Күбөнүн айтымында, аял маршруткага коляскасы менен киргени үчүн айдоочу аны түшүрүп салган. Бул маалымат Шаардык транспорт башкармалыгына жөнөтүлдү.

БИШКЕК, 5-мар. — Sputnik. Бишкекте 185-маршрутканын айдоочусу балалуу аялды жулкулдатып түшүрүп салганын күбө Sputnik Кыргызстан агенттигине Telegram-каналы аркылуу маалымдап, видеосун жиберди.

Анын айтымында, окуя бүгүн, 5-мартта, саат 17:30дар чамасында "Дордой" базарынын жанында болгон.

"Балалуу аял маршруткага коляскасы менен киргени үчүн айдоочу аны түшүрүп салды. Аныгында коляска эч кимге жолтоо болгон эмес, себеби бүктөлүп бурчта турган. Колуна баласын кармаган аял эч бир орунду деле ээлеген эмес, эл катары туруп турган. Бирок маршрутка айдоочусу аял коляскасы менен көп орунду ээлеп алгандыктан көбүрөөк кардар сала албай каларын айтып, аны жулкулдатып түшүрүп салды", — деди күбө.

Мэрия бул маалымат Шаардык транспорт башкармалыгына жөнөтүлгөнүн жана кийинчерээк жооп берилерин кабарлады.

Жаңылыктар түрмөгү
0