Буга чейин Кыргызстандан ири суммадагы акчалардын мыйзамсыз чыгарылышы боюнча журналисттик иликтөө жарыяланган. Анда коррупциялык схеманы түзгөндөрдүн бири катары Бажы кызматынын төрагасынын мурдагы орун басары Райым Матраимовдун ысымы аталган. Интернет колдонуучулар Ак үйдүн алдына келип эл ырыскысын жегендерди жазалоо талабын коюшарын айтышкан.
Бабанов өз кайрылуусунда анын атын карагалысы келгендер түрдүү аракеттерди көрүп жатканын айтып, эки жылдан бери эч кандай саясий окуяларга аралашпай келе жатканын билдирди.
"Мен бир гана ишкерлик менен алектенип жатам", - деди Бабанов.
Кабарчыбыздын жеринен маалыдашынча, тынчтык митингине чогулгандардан 30-40тай эле адам калды.
Каракол шаарында бүгүн, 25-ноябрда, коррупцияга каршы тынчтык акциясы өттү. Анда алгач тургундар акцияны уюштуруу боюнча тийиштүү органдарга облустук администрациянын имаратынын алдында уюштурабыз деп кайрылган. Бирок бүгүн, 25-ноябрда, соттун чечими чыгып, тынчтык митинги ал жерде жайгашкан окуу жай, үй-бүлөөлүк даарыгерлер тобунун ишине тоскоолдук жаратат деп, шаардык стадиондо өткөрүүгө уруксат берилген.
Анда тургундар алгач өкүлчүлүктүн алдына топтолуп, андан кийин шаардык стадионго жүрүш жасашты.
"Биз жаран катары өзүбүздүн укугубузду коргоп чыктык. Биздин бир эле талабыбыз коррупцияга каршыбыз"- дейт активисттердин бири Мира Абдраимова.
Модератор элди тароого чакырганына жарым саат болду. Көбү кетип, азыр 200дүн тегерегиндеги киши калды.
Постепенно митингующие расходятся pic.twitter.com/SVewNZAjkJ
— Макс Элебесов (@definition45) November 25, 2019
Митингдин катышуучулары "Райым Матраимовду кармоого", "Коррупционерлерди сот жообуна тартууга" жана "Чыныгы реформаларды өткөрүү" боюнча үч талапка макул экенин айтып, кол чогултушууда.
12:35 участники митинга в центре Бишкека призывают объединиться и проводить митинги каждую неделю pic.twitter.com/onyktg7580
— Erkin 550 (@Erkin550) November 25, 2019
ЖМКнын өкүлдөрү да көп келгенин байкоого болот. Учурда журналисттер катышучуулардын пикирин угуп, интервью алышууда.
Митингге келгендердин катары суюла баштады. Бир бөлүгү кетти. Калганы Апрель коогалаңында каза болгондорго арналып коюлган эстеликтин жанында турушат.
Кабарчыбыздын жеринин маалымдашынча, эл тарагысы келбей турат. Уюштуруучулар провокация болуп кетпесин деп кайрылууда. Ошондой эле ар кандай урааны менен башка нукка бурууга аракет кылгандар болууда деп эскертүүдө.
Уюштуруучулар чогулгандарды тароого үндөп, таштандыларды чогулта кетүүгө чакырышууда.
Кабарчыбыздын жеринен билдиришинче, митингге чогулгандар акырындык менен тарай баштады.
Маалыматтар боюнча тынчтык митингине 500дөй киши келген.
Текшерүүнүн натыйжасында Кыргызстандан 700 миллион доллардын чыгарылып кеткени анык болгон. Бул тууралуу коопсуздук кеңешинин катчысы Дамир Сагынбаев маалымат жыйында билдирди.
Ал май айынын аягында журналисттик иликтөө чыгып, анда Саймаитинин 700 миллион доллардын чыгарылышына тиешелүүлүгү айтылганын эске салды. Бул иш боюнча Финпол иштей баштап, ишкер салык төлөөдөн баш тартканы үчүн издөөгө алынган.
Кабарчыбыздын жеринен билдиришинче, чогулгандар "Ак үй" тарапты көздөй басышты.
Около 400-500 направились к "Белому дому" pic.twitter.com/H1aUedEYAy
— Макс Элебесов (@definition45) November 25, 2019
Чогулгандар өз ураандары менен талаптарын айтышты. Митингчилер "Райым камалсын!", "Уурулар түрмөгө" "Реалдуу реформа" деп кыйкырууда.
Чогулгандар Апрель баатырларына арналып коюлган монументке гүл коюшууда.
Кабарчыбыздын жеринен билдиришинче, тынчтык митингине чогулгандар тарапка милиция кызматкерлери келди
Чогулгандар Кыргызстандын гимнин ырдап жатышат.
Тынчтык митингине Жогорку Кеңештин депутаты Дастан Бекешев да келди.
Эл Апрель окуясынын курмандыктарына багышталып салынган монументтин жанына чогулууда.
Чогулган эл
Борбордук "Ала-Тоо" аянтына эл чогулууда. Алар колдоруна Райым Матраимовдун элеси түшүрүлүп, ылдый жагына "Камалсын" деген жазуучу бар транспаранттарды көтөрүп алышкан.
