"Биртууганчиктеги" актёр унаасы менен аялдамадагы элди аралап кетти. Видео

© Sputnik / Табылды КадырбековПоказ фильма "Ата" в кинотеатре "Манас" в Бишкеке
Показ фильма Ата в кинотеатре Манас в Бишкеке - Sputnik Кыргызстан
Жазылуу
Актёр жол эрежесин бузууга аргасыз болгонун айтып, окуя кандайча болгонун кабарчыга түшүндүрүп берди.
БИШКЕК, 4-ноя. — Sputnik. Белгилүү шоумен, "Биртууганчик" тасмасындагы актёр Бакыт Осмонканов унаасы менен тротуарга кирип, аялдамадагы элди аралап өтүп кетти.

Окуянын видеосун күбө жиберди. Анын айтымында, мындай көрүнүш бүгүн, 4-ноябрда, саат 17:30да Чүй проспектиси менен Тоголок Молдо көчөсүнүн кесилишинде болгон.

Кадрдан Осмонкановго окшош киши Toyota Camry үлгүсүндөгү унаасы менен "Россия" кинотеатрынын аймагындагы тротуарга кирип кеткенин көрүүгө болот. Ал Тоголок Молдо көчөсүнө чыгып кетүү үчүн аялдаманы аралап кеткен.

Осмонканов Sputnik Кыргызстан агенттигинин кабарчысы менен маектешип жатып ушундай окуя болгонун ырастады.

"Унаам "Россия" кинотеатрынын машина токтотуучу жайында турган болчу. Алдыма Mercedes үлгүсүндөгү авто токтоп алыптыр, же телефон номерин таштап койгон эмес. 10-15 мүнөттөй күтүп турдум. Радио эфирге шашып жаткам. Таксиге отура калайын десем жолдон бир дагы унаа көрүнбөдү. Аргам калбады", — деди ал.

Актёр болгон окуя аны актабай турганын, бирок кырдаалдан чыгуунун башка жолун таба албай койгонун кошумчалады.

Жаңылыктар түрмөгү
0