04:27 19 Тогуздун айы 2019
Түз эфир
  • USD69.8031
  • EUR77.6699
  • RUB1.0915
Баткен облусундагы Максат айылы. Архив

Тажик тарап чек арадагы жаңжал боюнча өз версиясын айтты

© Sputnik / Эмиль Садыров
Окуялар
Кыскача шилтеме алуу
Максат жана Сай чек ара бекеттерине атылган ок (40)
8097 0 0

16-сентябрда кечке жуук тажик чек арачылары Кыргызстандын Максат жана Сай чек ара бекеттерин аткылаганы кабарланган. Анын кесепетинен кыргызстандык бир аскер окко учуп, экөө жаракат алган болчу.

БИШКЕК, 16-сен. — Sputnik. Тажикстандын Улуттук коопсуздук боюнча мамлекеттик комитетинин чек ара аскерлери ок атууну кыргыз тарап биринчи баштаганын билдирди. Бул тууралуу Sputnik Тажикстан агенттиги жазды.

Ага ылайык, кыргыз тарап 16-сентябрда саат 18:45тер чамасында Бахор аймагындагы спорт аянтчасына курулуш иштерин баштаган. Жергиликтүү тургундар (тажик тарап) курулуш иштерин токтотууну талап кылышкан.

"Эки тараптуу жетишилген макулдашууларга карабай Кыргызстандын куралдуу күчтөрү кошумча 250-300дөй аскерди тарткан. Чагымчылдык аракеттерден кийин Тажикстандын куралданбаган жай тургундарына карата ок атылып, бир нече киши жаракат алган", — деп айтылат маалыматта.

Кыргызстандын тышкы иштер министри Чыңгыз Айдарбеков тажикстандык кесиптеши менен сүйлөшүп, тажик чек арачылары чыгарган октон Кыргызстандын бир аскери мерт болуп, экөө жаракат алганын билдирген.

Ал эми Кыргызстандын Саламаттык сактоо министрлиги эки аскерден тышкары Максат айылынын алты тургуну, анын ичинен 14 жаштагы бала жаракат алганын кабарлады.

Эске салсак, Кыргызстандын Чек ара кызматы тажик тарап биринчи болуп Кыргызстандын Максат айылындагы чек ара бекетин жана убактылуу коюлган Сай чек ара бекетин аткылаганын кабарлаган.

Тема:
Максат жана Сай чек ара бекеттерине атылган ок (40)

Тема боюнча

Кыргыз-тажик чек арасы: атышуудан аскер каза болгону айтылууда. Азыр абал кандай?
ТИМ чек арадагы атышуудан канча аскер окко учуп, канчасына ок тийгенин айтты
Өкмөт башчы чек араны коргоону күчөтүүнү тапшырды
Белгилер:
атышуу, чек ара, Тажикстан, Кыргызстан

ЭҢ МААНИЛҮҮ