Министрлик: эки аскердин абалы өтө оор, тургундар да жаракат алган

© Sputnik / Владимир Песня / Медиабанкка өтүүБейтап. Архив
Бейтап. Архив - Sputnik Кыргызстан
Жазылуу
Чек арадагы атышуудан жаракат алгандарды Лейлек райондук ооруканасына алып кетишкен. Жаңжалды жөнгө салуу үчүн вице-премьер Жеңиш Разаков Баткенге жөнөп кетти.

БИШКЕК, 16-сен. — Sputnik. Кыргыз-тажик чегиндеги атышуудан алдын ала маалымат боюнча эки чек арачы, Максат айылынын алты тургуну, анын ичинен 14 жаштагы бала жаракат алды. Бул туурасында Саламаттык сактоо министрлиги билдирди.

Жарадарлар тез жардам менен Кулунду жалпы дарыгерлик-практикалык борборуна жеткирилип, биринчи жардам көрсөтүлгөн. Андан соң Лейлек аймактык ооруканасына жөнөтүлдү.

"Айыл тургундарынын абалы орточо оор, бир чек ара кызматкеринин абалы өтө оор, башынан жарадар болгон. Экинчисинин да абалы өтө оор, октон жаракат алган. Учурда Максат айылында жалпысынан төрт тез жардам иштеп жатат", — деп айтылат маалыматта.

Жабыркагандар дары-дармек, керектүү медициналык жабдыктар менен толук камсыздалып жатканы белгиленет.

Лейлек аймактык ооруканасынан дарыгерлер тез жардам унаасы менен окуя болгон жерге жөнөп кетишти. Баткен облустук ооруканасынан хирург, травматолог жана реаниматолог реанимобиль менен жолго чыкты.

Виджет news
Жаңылыктар түрмөгү
0