10:38 20 Тогуздун айы 2019
Түз эфир
  • USD69.8031
  • EUR77.6699
  • RUB1.0915
Ымыркай. Архив

Талаага ташталган 1,5 жаштагы бөбөктүн ата-энеси табылды. Окуянын чоо-жайы

© AFP 2019 / JOEL SAGET
Окуялар
Кыскача шилтеме алуу
2058 0 0

Текшерүү учурунда бөбөктүн апасы табылып, ал Ысык-Ата районунун 23 жаштагы тургуну экени аныкталган.

БИШКЕК, 20-дек. — Sputnik. Бурана айылында көчөгө ташталган 1,5 жаштагы ымыркайдын ата-энеси табылганын Эмгек жана социалдык өнүктүрүү министрлигинин маалымат кызматы билдирди.

Учурда Чүй облустук социалдык өнүктүрүү башкармалыгы ымыркайга туулгандыгы тууралуу күбөлүк алууга аракет көрүп жатат.

Табылган бөбөк Чүй аймактык ооруканасынан Токмоктогу адистештирилген реабилитациялык борборго которулду. Министрлик ымыркайдын документтери калыбына келтирилгенден кийин ата-энесине тапшырыларын белгиледи.

Ал эми Чүй облустук милициясынын маалыматы боюнча 10-декабрда Чүйдөгү айылдардын бириндеги аялдамада ымыркай табылганы боюнча маалымат түшүп, ыкчам топ окуя болгон жерге чыгып кеткен. Табылган бала 1,5 жаштарда экени аныкталып, чоо-жайын тактоо үчүн аймактык ооруканага жеткирилген.

Текшерүү учурунда баланын апасы табылып, ал Ысык-Ата районунун 23 жаштагы тургуну экени аныкталган.

Аялдын айтымында, беш жылдай С.Ч. аттуу киши менен жарандык никеде жашап үч балалуу болушкан. Бирок күйөөсү менен бир жылдан бери чогуу жашабай турганын, акча жагынан кыйналып 2017-жылы туулган баласын күйөөсүнө берүүнү чечип, 10-декабрда анын үйүнө келип баланы таштап кеткенин айтып берген.

Бирок баланын атасы жана анын жакындары баланы алуудан баш тартышкан. Ошол эле күнү ымыркайдын чоң энеси аны айылдагы аялдамага алып барып таштап, милицияга "көчөгө ташталган ымыркай" тууралуу маалымат берген.

Чүй облустук милициясынын маалыматы боюнча учурда ымыркайды балдар үйүнө тапшыруу жагы каралып жатат. Андан сырткары, чогултулган бардык материалдар Чүй райондук ички иштер бөлүмүнүн алдындагы өспүрүмдөр иши боюнча комиссияга тапшырылды.

Тема боюнча

Эне ымыркайын 3 айдан ашуун убакытка таштай албайт. КРдеги жаңы мыйзам
Белгилер:
милиция, ымыркай, Чүй облусу

ЭҢ МААНИЛҮҮ