18:38 19 Бештин айы 2018
Түз эфир
  • USD69.8381
  • EUR79.6224
  • RUB1.0406
Кишен. Архивдик сүрөт

Чаткалдагы жаңжал: милиция 14 кишини эмнеге кармаганын айтып берди

© Sputnik / Табылды Кадырбеков
Окуялар
Кыскача шилтеме алуу
415 0 0

Алтын кен казган ишкананы кайтарган атайын даярдыктагы аскерлер менен жергиликтүүлөрдүн ортосунда чыр чыгып, үч аскер жаракат алган.

БИШКЕК, 3-дек. — Sputnik. Чаткал районунун Терек-Сай айылынын 14 тургуну атайын даярдыктагы отряддын үч аскерин сабап койгону үчүн кармалган. Жаракат алган тартип сакчылар учурда ооруканада жатат. Бул туурасында Жалал-Абад облустук милициянын маалымат катчысы Мыктыбек Турдубаев билдирди.

Жергиликтүүлөрдүн айтымында, "Эти Бакыр Терексай" ишканасын кайтарып турган атайын даярдыктагы отряддын өкүлдөрү 5-ноябрда малын айдап келүүгө барган кишини сабап салышкан. Ачууланган айылдыктар чогулуп барып жаңжалдашкан. Арадан 27 күн өткөндөн кийин милиция кызматкерлери окуяга катышкан 14 кишини кармап кеткен. Буга нааразы болгон ата-энелер жана балдардын айылдаштары аларды бошотууну талап кылып эки күндөн бери митингге чыгууда

"Жаңжал учурунда аскерлердин бири катуу жаракат алып, Бишкекке жеткирилди. Жакында анын бутуна операция жасалат. Экөө Аксы райондук ооруканасында, абалдары канааттандырарлык. Бул боюнча 6-ноябрда кылмыш иши козголгон. Ар тараптуу иликтөө жүрүп жаңжалдын видеолору алынып, тиешелүү адамдардын өздүгү такталган. Ошол далилдердин негизинде 14 киши кармалды", — деди маалымат катчы.

Бирок ал тергөөнүн кызыкчылыгы үчүн деп ошол жаңжал учурунда тартылган видеону берүүдөн баш тартты.

Ал эми окуянын келип чыгышын тургундар башкача сүрөттөп жатканын белгилеп, милициянын версиясын айтты.

"Мурда жергиликтүүлөр ал жерден өз алдынча мыйзамсыз түрдө сурьма казып турушкан. Алардын ишине бөгөт коюу үчүн атайын даярдыктагы аскерлер жиберилип, ишкананын аймагын кайтарып келишкен. Аскерлер ал жерден малын айдап чыгуу үчүн барган жергиликтүү тургунду сабаганы боюнча маалыматым жок. Буга чейин Жалал-Абад ОИИБдин жетекчилиги кармалган жарандардын туугандары менен жолугуп кырдаалды түшүндүргөн. Жаңжалдын видеосун да көрсөтүп, баары мыйзам чегинде караларын айтышты", — деди Турдубаев.

Кармалган терексайлыктар Жалал-Абад ОИИБдин убактылуу кармоочу жайына киргизилген. Алардын баш коргоо чарасы эртең, 4-декабрда, каралат.

Белгилей кетсек, "Эти Бакыр Терексай" ишканасы 2015-жылы Чаткалдагы Тереккан, Перевальное жана Терек кендерин иштете турган лицензия үчүн 20 миллион доллар төлөгөн. Алтындын запасы Теректе 14,644 тонна, Перевальное кенинде 7,502 тонна, ал эми Терекканда 5,062 тонна экени маалым.

Тема боюнча

Балдары кармалган чаткалдыктар бийликке 4 талап коюп кайра митингге чыгышты
Чаткалда милициянын эки кызматкерин сабады делген жергиликтүү 15 тургун кармалды
Чаткалда Кытай компаниясы алтын кен иштетүүчү фабриканы ишке киргизет
Белгилер:
милиция, кармоо, митинг, эл, ишкана, Чаткал
Колдонуу эрежелериПикирлер

ЭҢ МААНИЛҮҮ