21:20 16 Аяк оона 2019
Түз эфир
  • USD69.8099
  • EUR77.2028
  • RUB1.0937
Фемида таразасы. Архивдик сүрөт

Футбол дарбазасы басып калган бала. Иш сотко өттү

© AFP 2019 / DAMIEN MEYER
Окуялар
Кыскача шилтеме алуу
113 0 0

Каргаша 13-июнь күнү Бишкектеги футбол аянтчаларынын биринде болгон.

БИШКЕК, 4-окт. — Sputnik. 11 жаштагы Алан Айсаевдин энеси Нестан Найзабекова уулунун өлүмү боюнча иш акыры сотко өткөнүн Facebook баракчасына жазды.

Эскерте кетсек, каргаша 13-июнь күнү Бишкекте болгон. Баланын үстүнө футбол дарбазасы кулап, алган жаракатынан өспүрүм ошол жерден каза тапкан

"Иш акыры сотко өттү. Процесс 9-октябрга дайындалды. Футбол аянтынын ээси келип "Мен өзүмдү күнөөлүү деп эсептегеним үчүн эмес, аянтча мага караштуу болгону үчүн келдим" деди", — деп жазды Исабекова.

Бишкек ШИИБ иликтөө иштери 24-сентябрда аягына чыгып, Ленин райондук сотуна өткөрүлгөнүн тастыктады.

"Аянтты ижарага алып иштеткен Т.А. Кылмыш жаза кодексинин 258 (Коопсуздук эрежелерине жооп бербеген товар өндүрүү же сатуу, кызмат көрсөтүү) жана 353 (Өзүм билемдик) беренелери боюнча жоопко тартылууда. Эч жакка кетпөө боюнча тил кат алынды", — дешти милициядан.

Кылмыш иши бала каза болгон күнү козголгон. Укук коргоо органдары тергөө иштери кошумча текшерүүдөн улам созулуп кеткенин түшүндүрүп беришти.

Тема боюнча

Бишкекте кулап кеткен футбол дарбазасы башына тийген бала каза тапты
Футбол дарбазасы басып каза болгон бала. Милиция иш козгоду
Белгилер:
милиция, футбол, дарбаза, Бишкек

ЭҢ МААНИЛҮҮ