21:42 26 Аяк оона 2018
Түз эфир
  • USD69.0500
  • EUR81.2442
  • RUB1.0501
Кылмыш иши папкасы. Архивдик сүрөт

Ошто курулуш тендерин эң кымбат баа сунуштаган компания жеңип алды

© Sputnik / Табылды Кадырбеков
Окуялар
Кыскача шилтеме алуу
52310

Былтыркы жылдын 29-сентябрында Капиталдык курулуш башкармалыгы Ноокаттагы мектептин спорт залы менен от жагуучу жайын курууга 16,99 миллион сомдук тендер жарыялаган.

БИШКЕК, 16-апр. — Sputnik. УКМК Ош облусунда келишим түзүү жана мамлекеттик сатып алууларды жүргүзүү мыйзамсыз ишке ашкан фактыларды аныктап чыкты. Бул тууралуу аталган мекеме билдирди.

Маалыматка ылайык, Мамлекеттик курулуш агенттигинин алдындагы Турак жай-жарандык курулуш департаментинин Ош облустук капиталдык курулуш бөлүмү "Мамлекеттик сатып алуулар боюнча" мыйзамды бузган.

Иликтөөлөргө караганда, аталган мекеме 2017-жылдын 29-сентябрында Ноокат районундагы мектепке от жагуу жайы жана спортзал курдуруу үчүн 16,99 миллион сомдук тендер жарыялаган. Ага алты компания арыз берген.

Ал эми 14-ноябрь күнү тендер боюнча комиссия баарынан жогорку сумманы (14,363 миллион сом) көрсөткөнүнө карабай, "Икар-А" ЖЧКсын тандап алган.

Мындан улам Ош облустук прокуратурасы Кылмыш жана жаза кодексинин 304 (Кызматтык абалынан кыянаттык менен пайдалануу) жана 306-беренелери (КР кызыкчылыктарына каршы контракт түзүү, мамлекеттик сатып алууну жүзөгө ашыруу) менен кылмыш ишин козгоду.

Иликтөө иштери уланууда.

Тема боюнча

Шумдук го! Араванда 1 км жол куруу үчүн 3,5 млрд. сомго тендер жарыяланды
Аткаминерлер эми тендерде өз ишканаларынын кызыкчылыгын таңуулай албайт
"Түндүкэлектр" ишканасы Таластагы имаратын оңдотуу үчүн тендер жарыялады
Белгилер:
кылмыш иши, тендер, Ош
Колдонуу эрежелериПикирлер

ЭҢ МААНИЛҮҮ