14:22 16 Тогуздун айы 2019
Түз эфир
  • USD69.8396
  • EUR77.0051
  • RUB1.0869
Бермет Акаева, дочь бывшего президента Кыргызстана Аскара Акаева

Бермет Акаева атасына болушуп мушташа кете жаздаганда. Берлиндеги видео

© AFP 2019 / VYACHESLAV OSELEDKO
Окуялар
Кыскача шилтеме алуу
350810

Германияда Кыргызстандын тунгуч президенти мекендештери менен жолугуп жатканда, аны көздөй жумуртка ыргыды

БИШКЕК, 10-дек. — Sputnik. Интернетте Кыргызстандын тунгуч президенти Аскар Акаевдин мекендештери менен жолугуп жаткан видеосу толугу менен чыкты.

Аны YouTube каналына Gulzat Matisakova аттуу колдонуучу жүктөгөн.

Аскар Акаев Германияга 9-декабрда үй-бүлөсү менен келип, мекендештерге жолуккан. Жолугушууну KyrgyzClub–Germany уюштурган.

Видеодо алар алгач элди имаратка чогултканы көрсөтүлөт. Ал жерге келгендердин бир катары "Акаев кет" деген плакат көтөрүп алышкан. Полиция кызматкери эшикке чыгууну өтүнгөн.

Бир канча убакыттан кийин KyrgyzClub–Germany өкүлүнө кара күрмөчөн кыргыз киши келип, Акаев жөнүндө сүйлөп жатканын угууга болот.

Андан соң видеодо Бермет, Майрам жана Аскар Акаевдер пайда болот. Мурдагы президент сүйлөп баштаганда бет маңдай жактан "кыргызча сүйлө" деп бирөө кыйкырганы угулду.

"Мага команда бербей эле койгула. Кыргызстанда эмес, демократиялуу Германияда жүрөбүз. Каалаган тилде сүйлөйм", — деп жооп берди Акаев.

Сүйлөп бүтүп, тургандар менен коштошуп кете баштаганда суроолор берилди. Акаев эч кандай комментарий бербей турганын айтып, камынып жөнөй берди.

Дал ошол учурда жамгырдан коргогон кийимчен эркек киши аны көздөй эки жумуртка ыргытып, ал экс-президенттин пальтосунун өңүрүнө тийди. Аны көргөн Бермет Акаева ага жакын келип, нааразылыгын билдирип, полиция чакырарын айтты. Экөө айтыша кетип, берки киши анын атасын "коррупционер" деди. Кайым айтышуу ырбап, Акаева тиги кишини кол чатыр менен чаап-чаап жибергенин көрүүгө болот.

Ал жерде тургандар экөөнү арачалып калганы тартылып калган.

Окуя болгон жерден арыраак басып жүргөн полиция кызматкери чуркап келет. Андан кийинки кадрда полиция жумуртканын ээсин бери алып келип, карысынан кармап сүйлөшүп жатканы даана көрүнөт.

Артын карабай басып кеткен Акаевге аялы менен кызы кошулуп, караандар узап кетти.

Тема боюнча

Аскар Акаев мекендештери менен жолугуп жатканда жумуртка ыргытылды. Видео
Белгилер:
президент, Бермет Акаева, Аскар Акаев, Германия

ЭҢ МААНИЛҮҮ