22:24 14 Теке 2020
Түз эфир
  • USD77.5098
  • EUR87.9814
  • RUB1.0897
Окуялар
Кыскача шилтеме алуу
Темир Жумакадыров каза болгон жол кырсыгы (33)
31810

Вице-премьер-министр Темир Жумакадыров жол кырсыктан улам жардамчысы жана айдоочусу менен кошо каза тапты

БИШКЕК, 7-окт. — Sputnik. Вице-премьер-министр Темир Жумакадыров кабылган кырсык боюнча иш козголгонун Sputnik Кыргызстан агенттигинин кабарчысына Ички иштер министрлигинин маалымат кызматынан кабарлашты.

Кырсык 7-октябрь күнү, эртең менен саат 7.30дар чамасында болгон. Бишкек — Чалдовар унаа жолунун 36-чакырымында Москва районуна караштуу Садовое айылынын аймагында буудай ташып бараткан "КАмаз" менен Land Cruiser кагышкан. Анын кесепетинен вице-премьер менен кошо анын жардамчысы менен айдоочусу көз жумган.

Кылмыш иши Кылмыш жаза кодексинин 281-жол эрежесин бузуу беренеси боюнча козголду.

Окуя болгон жерде ИИМдин оперативдик тергөө тобу, Москва районунун укук коргоо органдарынын жана Чүй облустук Кайгуул милициясынын кызматкерлери иштеп жатат.

"Тергөө иштери башталды. Бул иш менен ведомствонун тажрыйбалуу тергөөчүлөрү алектенет. Факты боюнча тиешелүү бардык соттук медициналык экспертизалар дайындалды. Тергөө амалдары эми гана башталгандыктан, кырсыктын себебин айтуу эртерек кылат. Жүк ташуучу унаанын айдоочусу суракка алынууда", — деп маалымат кызматынан билдиришти.

Темир Жумакадыров буга чейин Коопсуздук кеңешинин катчысы болуп эмгектенген.

Темир Жумакадыров жана анын жардамчысы менен айдоочусу каза болгон жол кырсыгы тууралуу акыркы маалыматтарды Sputnik Кыргызстан агенттигинин тексттик трансляциясынан окуңуздар>>

Тема:
Темир Жумакадыров каза болгон жол кырсыгы (33)

Тема боюнча

Вице-премьер кырсыктаган жерден алынган кадрлар
Жумакадыров менен кошо анын жардамчысы менен айдоочусу көз жумган
Жумакадыров Темир Курмангазиевич — өмүр баяны
Вице-премьер Темир Жумакадыровдун өмүрүн алган жол кырсыктын видеосу
Белгилер:
кылмыш иши, жол кырсык, Темир Жумакадыров

ЭҢ МААНИЛҮҮ