Сүлүктүдөгү шахтада уранды алдында калган киши каза болду

© Sputnik / Михаил Воскресенский / Медиабанкка өтүүШахта имени С.П. Ткачука в Харцызске на Донбассе
Шахта имени С.П. Ткачука в Харцызске на Донбассе - Sputnik Кыргызстан
Жазылуу
Сүлүктү шаарындагы шахталарда жыл башынан бери 9 адам ар кандай кырсыкка учурап каза тапкан

БИШКЕК, 15-авг. — Sputnik. Сүлүктү шаарындагы жабык турган "Ак-Жол" ЖЧКнын шахтасында уруксаты жок өз алдынча көмүр издеген жаран урандынын астында калып каза болду. Бул тууралуу өкмөттүн облустагы өкүлчүлүгүнүн маалымат кызматы билдирди.

Прорыв грунтовых вод в шахте в селе Жыргалан - Sputnik Кыргызстан
Куткарылган шахтер Кайрат: бирдеме болсом жакындарым кантет деп сарсанаа болдум
37 жаштагы жаран чуңкурга түшкөндө болжол менен 600 метр куб жер урап басып калган.

Окуя болгон жерге 5 куткаруучу, 50 шахтер келип, эки оор техниканын жардамы менен маркумдун сөөгү казып алынган. Куткаруу иштери төрт саатка созулган.

Окуя болгон жерге өкмөттүн Баткен облусундагы ыйгарым укуктуу өкүлү Абиш Халмурзаев да барды.

"Өкүл кырсык болгон жер кооптуу жана жабык шахта экендигине карабай эч кандай эскертүүчү белгилердин коюлбагандыгын айтты. Уруксаты жок көмүр казып тобокелчиликке барган жарандарды тартипке салбаган, шахталардагы коопсуздук эрежелерин текшерип көзөмөл жүргүзбөгөндүгү үчүн тийиштүү бийлик өкүлдөрүнүн ишин сынга алды", — деп айтылат маалыматта.

Куруучулар. Архив - Sputnik Кыргызстан
Жолдошум бийиктиктен кулап жан берди... Ажалды оозуна тиштеген куруучулар
Сүлүктү шаарынын мэри Рахманберди Абдыназаров болсо, Өнөр жай, энергетика жана жер казынасын пайдалануу мамлекеттик комитети көмүр казуу үчүн ишкерлерге лицензия берүүдө көңүл кош мамиле жасап жаткандыгын белгиледи.

Ушул эле күнү шаардын укук, тартип жана коопсуздук боюнча координациялык кеңеши өтүп, аймактагы шахталардын коопсуздугуна, жарандык коргонуу мыйзамынын негизинде текшерүү жүргүзүүнү тапшырды.

Белгилей кетсек, бүгүнкү күндө Сүлүктү шаарында 150 кен казган ишканалар катталган. Бирок анын 31и гана иштейт. Ал эми жыл башынан бери бул шахталарда 9 адам ар кандай кырсыкка учурап каза тапкан.

Жаңылыктар түрмөгү
0