БИШКЕК, 13-июл. — Sputnik. "Кыргызалтын" ААКтын Нарындагы филиалынан курамында алтын бар таштарды урдоого аракет кылган жарандар кармалды. Бул тууралуу ИИМдин маалымаат кызматы билдирди.
Аталган филиал Нарын районунун Эмгекчил айылына жакын жердеги "Солтон-Сары" кенинде жайгашкан.
Маалыматка ылайык, 8-июлда 30-40тай айыл тургуну жеке менчик унаа менен келип "Кыргызалтын" ААКтын кампасынан курамында алтын бар бир кап ташты уурдоого аракет кылган.
Аталаган факт боюнча кылмыш иши козголуп Эмгекчил айылынын 23 жашоочусу кармалган. Атайын экспертиза дайындалып, териштирүү иштери жүрүп жатат.
Мындан кийин аталган кампаны күнү-түнү кайтаруу чечими кабыл алынып, эки милиционер күзөткө коюлду.
