БИШКЕК, 15-июн. — Sputnik. Жыл башынан бери Кыргызстандын алтын кору 1 миллиард 934,3 миллионго кымбаттагандыгы тууралуу Улуттук банктын сайтында кабарланды.
Маалыматка ылайык, Кыргызстандын алтын кору 1-январга карата 11 миллиард 810,1 миллиардга бааланап, 31-майда 13 миллиард 744,4 миллион сомду түзгөн. Ошентип өлкөнүн алтын кору беш ай аралыгында 1 миллиард 934,3 миллион сомго жогорулаган.
Ал эми Лондон биржасынын маалыматы боюнча трой унциясынын баасы жыл башында 1 151 долларды түзүп, май айынын соңунда 1 263,8 долларга жогорулаган. Бул мезгил аралыгында Кыргызстанда доллардын баасы 1 сом 19 тыйынга түшүп, 68,04 сомду түзгөн.
