Ананьеводогу жарылуудан жабыркаган дагы бир бейтап каза болду

© Фото / пресс-служба МЧС КРВзрыв газовых балонов в автозаправочной станции в Иссык-Кульской области
Взрыв газовых балонов в автозаправочной станции в Иссык-Кульской области - Sputnik Кыргызстан
Жазылуу
Ушу тапта ооруканада төрт бейтап дарыланууда. Алардын абалы оор деп бааланып жатат.

БИШКЕК, 7-июл. — Sputnik. Ысык-Көлдүн Ананьево айылында май куюучу жайдагы газ баллондордун жарылышынан жабыркаган бейтаптын дагы бири каза болгонун Саламаттык сактоо министрлиги билдирди.

Эскерте кетсек, кырсык 19-июнда болжол менен саат 17.22лерде Ананьево айылынын Совет көчөсүндө май куюучу жайда болгон. Анын кесепетинен 52 жаштагы эркек киши жана анын 10 жаштагы баласы каза таап, 8 адам ооруканага жеткирилген. Алардын бири 22-июндун таңында көз жумган. 23-июнь күнү бейтаптар Бишкектеги Күйүк борборуна алып келинип, алты күндөн кийин терисинин 65 пайызы күйүп калган киши каза болгон.

"57 жаштагы бейтаптын бети, денесинин 70 пайызы күйүп, абалы өтө оор деп бааланган. Бардык тийиштүү медициналык жардам көрсөтүлгөнүнө карабастан бүгүн 12.30дарда жүрөгүнүн иштеши токтоп калган. Реанимациялык иш-чаралар натыйжасын бербегенден кийин саат 13.00дө анын көз жумганы расмий айтылды", — делет маалыматта.

Ушу тапта ооруканада төрт бейтап дарыланууда. Алардын абалы оор деп бааланып жатат.

Жаңылыктар түрмөгү
0