БИШКЕК, 14-май – Sputnik. Ош шаарынын Навои атындагы эс алуу багында жайгашкан каруселдердин бири кулап, адамдар жабыркады. Бул тууралуу Ош ШИИБдин маалымат катчысы Замир Сыдыков билдирди.
Обрушение карусели с людьми в парке имени Навои в городе Ош
© Фото / Зульфия Тургунова
Анын айтымында, төрт адам ооруканага жаткырылган. Бирөөсү реанимация бөлүмүндө. Мындан башка дагы төрт адамга медициналык жардам көрсөтүлүп, үйлөрүнө кое берилген.
“Кырсык болгон жерде Ош шаардык ички иштер башкармалыгынын оперативдүү тергөө тобу иштеп жатат”, — деди Сыдыков.
Ал тиешелүү экспертизалар дайындалганын маалымдап, иликтөө иштеринин жүрүшү тууралуу эртең кошумча маалымат берилерин айтты.
