БИШКЕК, 10-май — Sputnik. Бишкекте катталган жол кырсыгынан 15 жаштагы бала каза болду. Бул тууралуу ШИИБдин Кайгуул милиция башкармалыгынын издөө бөлүмүнүн башчысы Ажыбек Майназаров билдирди.
Маалыматка ылайык, жол кырсыгы 10-майда болжол менен саат 22:00дөр чамасында Патриса Лумумба көчөсү жакта "Кудайберген" базарынын тушунда катталган. Алган жаракатынан улам бала ооруканада каза болгон.
"Айдоочу ак түстөгү Mercedes Benz машинасын айдап бараткан. Бишкекте "Перехват" планы киргизилди", — деди Майназаров.
Кайгуул милициясы жол кырсыгына күбө болгондорду 0772-188-821 номери аркылуу же 102 нөөмөт бөлүмүнө чалып кабарлап коюуга чакырат.
