БИШКЕК, 3-май — Sputnik. Бүгүн болгон жер титирөөдөн Чоң-Алай районунун Карамык айылында бастырмалар урап, үйлөрдүн дубалынан жарака кетти. Бул тууралуу жергиликтүү тургундар Sputnik Кыргызстан агенттигинин WhatsApp номери аркылуу билдирди.
"Жер титирөөдөн көп тургундардын мал короолору кулап, үйлөрүнүн дубалдары жарылды. Азыр жергиликтүү бийликтин өкүлдөрү тактоо иштерин жүргүзүүдө", — деди күбө.
Өзгөчө кырдаалдар министрлигинин берген маалыматына ылайык, Ош облусундагы Чоң-Алай районунун Шибе, Карамык айылдарында жер титирөөнүн күчү 5 баллга жеткен.
Белгилей кетсек, бүгүн 3-майда КР Сейсмология институтунун маалыматына ылайык саат 10:47де Тажикстандын аймагында жер титирөө катталып, очогунда күчү 7 баллга жеткен.
Эгер кандайдыр бир окуяларга күбө болуп калсаңыз анын сүрөттөрүн жана видеолорун +996 706 566 544 WhatsApp номерине жөнөтсөңүз болот.
