Петербургдагы жардырууну уюштурууга шектелген Азимов сотто көрсөтмө берди

© Sputnik / Алексей Куденко / Медиабанкка өтүүРассмотрение ходатайства следствия об аресте Акрама Азимова
Рассмотрение ходатайства следствия об аресте Акрама Азимова - Sputnik Кыргызстан
Жазылуу
Акрамды кармоо учурунда андан РГД-5 үлгүсүндөгү граната табылганын маалымдалды.

БИШКЕК, 20-апр. – Sputnik. Бүгүн Москвада Санкт-Петербургдагы терактыны уюштурууга шектелген Аброр Азимовдун бир тууганы Акрам Азимовду камакка алуу боюнча сот отуруму болуп өттү. Бул тууралуу РИА Новости жазып чыкты.

Буга чейин тергөө комитети Акрамды кармоо учурунда андан РГД-5 үлгүсүндөгү граната табылганын маалымдаган. Ал эми ФСБнын маалыматына караганда, шектүү теракты даярдоого кам көрүү үчүн эл аралык террористтер менен байланышта болуп, акча которууга жардам берип келген. 

“Шектүү катары сурактын жүрүшүндө Азимов бир тууганы экөөбү жардырууну ишке ашырууга кол кабыш кылышканын билдирген”, — деп тергөөчү сот учурунда билдирген. 

Ал эми Азимов болсо мындай көрсөтмө бергенин моюндап, бирок Санкт-Петербургдагы терактыга катыштыгы жок экенин айткан. 

Мать подозреваемых в организации терактов в Петербурге Азимовых не верит в виновность детей - Sputnik Кыргызстан
Ишенбейм! Петербургдагы терактыга шектелген бир туугандардын энеси үн катты
Сотто көрсөтүлгөн маалыматтарга караганда, Акрам Азимов жан кечти деп шектелип жаткан Акбаржон Жалилов сыяктуу Түркияга эки ирет барып келген. 

Белгилей кетсек, эки күн мурда Подмосковьеден Акрамдын бир тууганы Аброр Азимов кармалган. ФСБнын маалыматы боюнча шектүү Акбаржон Жалиловду теракт жасоого даярдаган. Соттун чечимине ылайык Аброр Азимов 3-июнга чейин камакта болот. 

Эске салсак, 3-апрелде "Сенная площадь" жана "Технологический институт" метро станцияларынын ортосунда жардыруу болгон. Акыркы маалыматтарга ылайык, андан 15 киши каза болуп, элүүдөй киши түрдүү жаракаттарды алган. Бул фактынын негизинде Россиянын Тергөө комитети теракт боюнча кылмыш ишин козгогон.

Жаңылыктар түрмөгү
0