БИШКЕК, 2-мар. — Sputnik. Бишкек шаарынын Свердлов районунда улгайган аялды өлтүрүүгө шектелген жарандар кармалганын Ички иштер министрлигинин маалымат кызматынан кабарлашты.
23-февралда 60 жаштагы аялды анын небересинин көзүнчө белгисиз жарандар үйүнүн ичинен өлтүрүп кетишкени маалымдалган.
Адам өлтүрүү фактысы боюнча кылмыш иши козголгон. ИИМдин маалыматына караганда, жакында эле кылмышка шектүү үч жаран кармалды.
"Чүй облусунун 63 жаштагы тургуну анын 60 жаштагы мурдагы аялы жана жанында баңгизаты бар 36 жаштагы эркек киши кармалды", — деп айтылат маалыматта.
"Алдын ала маалыматтар боюнча маркумдун үйүнөн ири суммадагы каражат жоголгон. Тергөө иштери уланып жатат", — деп айтылат маалыматта.
Шектүүлөр Ички иштер бөлүмүнүн убактылуу кармоочу жайына киргизилди.
