Ошто жетинчи уулун төрөгөн 43 жаштагы аял көз жумду

© Sputnik / Денис Гришкин / Медиабанкка өтүүПосещение С.Собяниным родильного дома №17 в САО Москвы
Посещение С.Собяниным родильного дома №17 в САО Москвы - Sputnik Кыргызстан
Жазылуу
Кош бойлуу аялдын абалы начарлап кеткендиктен, аны дарыгерлер кесарева жолу менен төрөтүшкөн. Тилекке каршы баланын энеси 25-февраль күнү каза болуп калды.

БИШКЕК, 26-фев. — Sputnik. Ош шаардык төрөт үйүндө 43 жаштагы кош бойлуу аял жетинчи баласын төрөп каза болду. Бул тууралуу аталган төрөт үйдүн башкы дарыгери Зейнеп Исраилова Sputnik Кыргызстан агенттигинин аймактык кабарчысына билдирди.

Маалыматка ылайык, 16-февраль күнү аталган төрөт үйүнө 43 жаштагы кош бойлуу аял эсин жоготуп, оор абалда алынып келинген.

"Каза болгон аял Алай районунун Сары-Могол айылынын жашоочусу болгон. Ал тилин чайнап, эс-учун жоготуп койгон абалда келген жана тамырларына кан уюп калган. Жолдошунун айтымында, үйүндө да 7-8 жолу эсин жоготуптур", — деди төрөт үйүнүн дарыгери Исраилова.

Открыт ген, который является основным виновником выкидышей - Sputnik Кыргызстан
Москвада кош бойлуу келин 14-кабаттан секирип каза болду
Ал белгилегендей бейтап шаардык ооруканага жеткиче кыйналып калган.

"Аял комага түшүп калгандыктан тогуз күн бою жасалма дем алдыруучу аппараттын жардамы менен жатты. Ичиндеги түйүлдүк 29 жумалык болгондуктан, аны кесарева жолу менен төрөттүк. Эркек баланын салмагы 1,5 килограмм. Тилекке каршы энеси 25-февралда каза болуп калды", — деди дарыгер.

Ал ошондой эле айрым ЖМКлар маркумдун 10 баласы болгон деген маалыматты четке кагып, анын артында жаңы төрөлгөн ымыркайын кошкондо төрт уул, үч кызы калганын кошумчалады.

Жаңылыктар түрмөгү
0