Кадыржан Шаршенбек уулу: атам чыкпаганда дөбөт карышкыр мени жарып кетмек
БИШКЕК, 6-фев. — Sputnik. Ысык-Көл облусуна караштуу Тоң районунун Калкабар айылынын 27 жаштагы тургуну Кадыржан Шаршенбек уулу 5-февралда карышкыр короого кирип келип кол салганы тууралуу Sputnik Кыргызстан агенттигинин аймактык кабарчысы билдирди.
1/3
© © Sputnik
Карышкыр менен кармашкан Кадыржан Шаршенбек уулу
2/3
© Фото / Жоомарт Алтынбек уулу
Карышкырдын өлүгү
3/3
© © Sputnik
Дөбөт карышкыр Кадыржандын санын тиштеп алган
1/3
© © Sputnik
Карышкыр менен кармашкан Кадыржан Шаршенбек уулу
2/3
© Фото / Жоомарт Алтынбек уулу
Карышкырдын өлүгү
3/3
© © Sputnik
Дөбөт карышкыр Кадыржандын санын тиштеп алган
Маалыматка караганда, ал уйлардын мөөрөгөнүн угуп мал жипке чалынып калдыбы деген ойдо эшикке таңкы саат беште чыккан.
"Короого чыксам мени көздөй карышкыр чуркап келе жатканын көрдүм. Ал секиргенде тиштетпестин айласын кылып мойнунан кармап калсам, санымды тиштеп алды. Колумду жаагына салып тишин тартсам, кайра мойнума асылды. Жерге жыкканда колдорум чайналып, алым кетип баратканын билдим. "Ата" деп кыйкырып, карышкырды басып турдум", — деди Кадыржан.
Анын айтымында, атасы менен жубайы сыртка чуркап чыгып карышкырды кирпич менен ургулап жатып араң өлтүрүшкөн.
"Атамдын да колу чала тиштелди. Атам болбосо жарып салат беле… Кары адамдар, жаш келиндер же балдарга асылса кандай болмок, билбейм", — деди жабырлануучу.
Ал ошондой эле айылга беш дөбөт карышкыр кирип 30 койду жана эки итти жара тартып кеткенин кошумчалады.
