БИШКЕК, 28-ноя. — Sputnik. Түндө Бишкек шаарынын Кайгуул милициясынын инспекторун койдуруп кеткендер, сөөктү жолго чыгарып коюп, из жашырган. Бул туурасында аталган кызматтан кабарлашты.
"Кырсык Сокулук районунда болжол менен 01.00дө болгон. Алдын ала маалыматтарга караганда биздин инспекторду Honda Stepwagon үлгүсүндөгү унаа менен койдуруп кетишкен. Кыязы, айдоочу жалгыз эмес окшойт. Аны өлтүрө сүзүп алгандан кийин жолдун четине сүйрөп чыгышыптыр. Кырсык учурунда ал Кайгуул кызматтын формасыз жүргөн экен. Сокулукта жашачу", — деп билдиришти аталган кызматтан.
Каза болгон 27 жаштагы инспектордун артында бир баласы калды. Учурда Кайгуул милициясынын башкармалыгы кызматкерин койдуруп кеткен айдоочуну издеп жатат. Эгерде бул окуя боюнча, кандайдыр бир маалымат болсо 0312 53-22-33, 53-01-81, 0772 18-88-21 телефондору боюнча билдирүүнү өтүндү.
