Кыргыз экономикасынын артка кеткен тармактары. Тизме

© Пресс-служба президента КР / Султан ДосалиевПрезидент Сооронбай Жээнбеков ознакомился с деятельностью компанией ОсОО "Империал групп Ко" в Сокулукском районе
Президент Сооронбай Жээнбеков ознакомился с деятельностью компанией ОсОО Империал групп Ко в Сокулукском районе - Sputnik Кыргызстан
Жазылуу
Экономиканын көптөгөн ири тармактары артка кетти. Ошондой эле Кыргызстандын ЕАЭБге мүчө мамлекеттер менен өз ара соодасынын көлөмү азайды.

БИШКЕК, 13-авг. — Sputnik. 2020-жылдын январь-июль айында ички дүң өндүрүмдүүлүк, алдын ала маалымат боюнча, 282 миллиард сомду түзүп, 2019-жылдын ушул учуруна караганда 6,1 пайызга төмөндөдү. Бул тууралуу Улуттук статистика комитети июль айындагы көрсөткүчтөргө таянып жазды.

Негизинен күйүүчү май өндүрүү (59 пайызга), кездеме, кийим-кече, бут кийим, булгары жана андан жасалган буюмдарды өндүрүү (20 пайызга), жыгач жана кагаз өндүрүү полиграфия (18,5 пайызга), резина, пластмасса жана темир эмес буюмдарды жасоо (16,5 пайызга), тамак-аш жана тамеки өндүрүү (5,3 пайызга) тармактары артка кетти.

Адистер дүйнөдө тез кымбаттап бара жаткан товарларды атады

Ошондой эле баалуу металл казуунун көлөмү 4,2 пайызга кыскарганы айтылды.

Мындан тышкары, 2020-жылдын январь-июнь айларында Кыргызстандын ЕАЭБге мүчө-мамлекеттери менен өз ара соодасынын көлөмү дагы азайды. Тагыраагы, 1 миллиард 54 миллион 800 миң сомду түзүп, былтыркы жылдын ушул маалына салыштырмалуу 17,3 пайызга төмөндөдү.

Оң тенденциялар айыл чарбасында гана байкалды, анда өндүрүүнүн көлөмү 1,8 пайызга өстү.

Эске салсак, пандемия башталган учурда Кыргызстандын бир катар аймактарына өзгөчө абал киргизилип, көптөгөн ишканалар ишмердүүлүгүн убактылуу токтоткон.

Жаңылыктар түрмөгү
0