COVID-19дун айынан Кыргызстанда майнинг-фермалар эми салык төлөмөкчү

© Sputnik / Евгений Одиноков / Медиабанкка өтүүМайнинг фермасы. Архив
Майнинг фермасы. Архив - Sputnik Кыргызстан
Жазылуу
Долбоордун негизги максаты пандемия шартында оор абалга кептелген мамлекеттик бюджеттин киреше бөлүгүн көбөйтүү болуп эсептелет.

БИШКЕК, 5-авг. — Sputnik. Экономика министрлиги майнинг ишмердүүлүгүнөн салык алуу боюнча токтом долбоорун иштеп чыкты. Документ өкмөттүн сайты аркылуу коомдук талкууга коюлду.

Негиздемеде Салык кодекси майнинг ишмердүүлүгүнөн салык алууга жол берген 61-берене менен толукталганы айтылат. Ал эми аталган токтом өзгөртүүнү ишке ашыруу үчүн зарыл.

"Майнинг үчүн салынган салыктын базасы катары электр энергиясына төлөнгөн сумма каралат. Буга кошумча нарк салыгы менен сатуудан алынуучу салык дагы кирет. Салыктын көлөмү 15 пайызды түзөт", — деп айтылат билдирүүдө.

Бюджетти толтуруу үчүн ички киреше булактары аныкталууда. Алар кайсылар?

Долбоордун негизги максаты пандемия шартында оор абалга кептелген мамлекеттик бюджеттин киреше бөлүгүн көбөйтүү болуп эсептелет.

Эске салсак, 1-июлдан тарта Кыргызстанда майнинг-фермалар үчүн жаңы тариф күчүнө кирген. Ага ылайык, ишканалар киловатт-саатына 2,91 сомдон төлөйт.

Жаңылыктар түрмөгү
0