Чыгым тарттык. Нефтетрейдерлер бензиндин баасына айтылган сынга жооп кайтарды

© Sputnik / Максим Блинов / Медиабанкка өтүүМай куюучу жайдагы кызматкер иш учурунда. Архив
Май куюучу жайдагы кызматкер иш учурунда. Архив - Sputnik Кыргызстан
Жазылуу
Ассоциациядан киреше чыгашаны жаппай жаткандыктан, компаниялар зыянга учурап, финансылык кыйынчылыкка кабылгандыгын айтышты.

БИШКЕК, 14-май — Sputnik. Кыргызстандын Нефтетрейдерлер ассоциациясы расмий тараптардын уюмдун мүчөлөрү күйүүчү майды алып, элге кайра сатууда ири пайда көрүп жатат деген билдирүүсүнө жооп кайтарды.

Ассоциациядан алгач марттын башында мунай арзандап, апрелдин аягында эң төмөнкү чегине жеткени белгиленди. Анткен менен Россиядагы нефтини кайра иштеткен заводдордогу күйүүчү майдын баасы марттын үчүнчү декадасында гана арзандай баштаган.

"Адатта биздин өлкөдөгү күйүүчү май импорттогондордун кампаларында мунай продукциясынын 1,5-2 айлык кору болот. Быйыл январда, февралда, мартта Россиядан жазгы айдап-себүү иштерине сатып алганбыз. Ошентип биздин запас жылдын башындагы, кезектеги баадан бир топ жогору учурдагы нарк менен топтолгон", — деп айтылат маалыматта.

Ассоциациянын аткаруучу директору Канат Эшатовдун айтымында, мунай заттарын өлкөнүн автомай бекеттеринде сатуу 80 пайызга азайып кеткен.

Доллар жана евро банкноталары. Архив - Sputnik Кыргызстан
Доллар, евро, алтын жана бензин арзандады. 14-майга карата баа
"Бул кампаларда күйүүчү майдын кымбат баада топтолуп калышын жаратты. Ал апрелдеги арзандаган баа менен сатып ала алышкан жок, себеби колдогу кору түгөнбөгөн тейде турду. Андан сырткары күйүүчү майдын наркынын март-апрелдеги сомдун долларга карата баасынын өзгөрүп кетишине тийгизген девальвациясын (болжол менен 20 пайыз) да эске алуу керек", — деди Эшатов.

Аталган уюмдан нефтетрейдерлерге жасалган экономикалык колдоонун (салык боюнча каникул, кыйыр төлөмдөрдү төгүүгө кыйыр жеңилдиктер, акциз салыгынын азайышынын) жоктугуна карабай, компания милдетин аткарып жатканын айтты. Тагыраагы, салыктарын, жыйымдарын жана социалдык чегерүүлөрдү төлөп жатат, андан сырткары кызматкерлеринин айлыгын кечиктирген жок.

"Түшкөн акча жогорудагы милдеттенмелерди жаппагандыктан, компаниялар чыгаша болуп, финансылык кыйынчылыкка кабылууда", — дешти нефтетрейдерлер.

Ассоциациянын билдиргенине караганда, жылдын башында АИ-92 бензини менен күйүүчү майдын баасынын бир литри 7 сомго арзандап кеткен. Жакынкы арада баанын дагы 7-10 пайызга түшөрү күтүлүүдө.

Жаңылыктар түрмөгү
0