14:34 04 Теке 2020
Түз эфир
  • USD77.1102
  • EUR86.6140
  • RUB1.0938
Экономика
Кыскача шилтеме алуу
1927 0 0

"Ат-Башы" кыргыз-кытай эркин соода аймагы" ЖЧКсынын негиздөөчүлөрү Лю Инь, Эмилбек Абдыкадыров жана Ван Цзыюнь. Логистикалык борборго жогорку технологиялык 10го чукул завод-фабрикаларды салуу пландалууда.

БИШКЕК, 16-янв. — Sputnik. Нарын облусунун Ат-Башы районуна индустриялык-соода-логистикалык борбордун курулушу 2020-жылдын апрель айында башталат. Бул тууралуу "Ат-Башы" кыргыз-кытай эркин соода аймагы" ЖЧКсынын жетекчиси Эмилбек Абдыкадыров билдирди.

Анын айтымында, логистикалык борборго жогорку технологиялык 10го чукул завод-фабрикаларды салуу пландалууда. 

Глава Нур Строй Монтаж Эмилбек Абдыкадыров во время пресс-конференции
© Sputnik / Таалайгуль Усенбаева
"Ат-Башы" кыргыз-кытай эркин соода аймагы" ЖЧКсынын жетекчиси Эмилбек Абдыкадыров
"Апрель айында кар кетери менен курулуштун биринчи этабы башталат. Анда 5 миң чарчы метрлик жерге сегиз кабаттуу имарат салынат. Мейманкана, административдик корпус ошол имаратта болмокчу. Курулуштун биринчи этабына жалаң Ат-Башынын 1000ге чукул тургуну тартылат. Учурда акимчилик анда иштей турган адамдардын тизмесин түзө баштады", — деди Абдыкадыров.

Инвесторлорго 200 гектар жердин 176 гектары индустриялык-соода-логистикалык борбор курууга берилген. Ал эми 24 гектарга бажы-логистикалык борбору салына турганын Ат-Башы районунун акими Жакыпбек Субакожоев кошумчалады. Бүгүнкү күндө инвесторлор жердин ижара акысы үчүн 43 миллион сом бергени маалым болду. Логистикалык борбор толугу менен сегиз жыл ичинде салынып бүтөрү айтылды.

Тема боюнча

2020-жылы Кыргызстанда эмнелер курулат? Өкмөттүн убадалары
Белгилер:
өндүрүш, соода, логистикалык борбор, Ат-Башы

ЭҢ МААНИЛҮҮ