15:55 19 Бирдин айы 2020
Түз эфир
  • USD69.8406
  • EUR75.6129
  • RUB1.0952
Экономика
Кыскача шилтеме алуу
83010

Аталган банк 2020-жылы 1 миллиард 200 миллион сомго чейин насыя берүүнү пландаштырууда. Былтыр бюджеттик мекемеде иштеген кызматкерлерге жалпы суммасы 1 054,2 миллион сомго чейин 723 кредит берилген.

БИШКЕК, 7-янв. — Sputnik. "Социалдык ипотека" долбоорунун алкагында "Керемет Банк" ачык акционердик коому 2020-жылы дагы насыя берет. Бул тууралуу президент Сооронбай Жээнбеков менен Улуттук банктын төрагасы Толкунбек Абдыгуловдун жолугушуусу учурунда маалым болду.

Абдыгуловдун айтымында, аталган банк 2020-жылы 1 миллиард 200 миллион сомго чейин насыя берүүнү пландаштырууда.

Президенттин маалымат кызматынын билдирмесине караганда, 2019-жылдын 30-майынан 31-декабрына чейин "Керемет Банк" ААКы жалпы суммасы 1 054,2 миллион сомго 723 насыя бөлүп берген. Ал насыялар Кыргызстандын аймактарында иштеген бюджеттик уюмдардын кызматкерлерине бөлүнүп берилген.

"Керемет Банк" ААКнын "Социалдык ипотека" насыялык долбоору жеткиликтүү пайыздык чендер менен жеке турак жай сатып алууда бюджеттик тармактын кызматкерлерин колдоого багытталган.

Эске салсак, мамлекеттик ипотекалык компаниясы бюджеттик мекемеде иштебеген, аймакта жашаган кардарларга да үстөк пайызы төмөн ипотекалык насыя бере баштаганын жар салган. Аны алуунун жол-жобосун Sputnik Кыргызстан агенттиги даярдаган материалдан окусаңыз болот.

Тема боюнча

Мамлекеттик кызматта иштебегендер кантип ипотека алат? Жаңы программа
Бишкек менен Оштун жашоочуларына 14 пайыздык ипотека бериле баштады
Мамлекеттик ипотека 2025-жылга чейин кандай болот? Долбоордун кыскача түшүндүрмөсү
Өкмөт: пенсиянын топтомо бөлүгүн ипотека алууда колдонсо болот
Белгилер:
насыя, Мамлекеттик ипотекалык компания, ипотекалык насыя, Улуттук банк, президент

ЭҢ МААНИЛҮҮ