00:08 23 Үчтүн айы 2019
Түз эфир
  • USD69.7394
  • EUR79.2414
  • RUB1.0479
Алтын куймалары. Архив

Кыргызстандын запаста канча алтыны бар? Сомго тийгизген таасири

© AFP 2019 / SEBASTIAN DERUNGS
Экономика
Кыскача шилтеме алуу
346 0 0

Дээрлик ар бир мамлекеттин улуттук валютасынын кунун кармап туруу үчүн алтын резерви болот.

БИШКЕК, 14-янв. — Sputnik. Сом — эң туруктуу валюталардын бири. Ал еврого, юанга жана рублга салыштырмалуу кыйла бекем. Sputnik Кыргызстан агенттиги алтын жана валюта резервинин көлөмү канчалык экенин билип көрдү.

Редакция Улуттук банктын ачык маалыматтарынан эң жогорку көрсөткүчтү алды, бул — жалпы жонунан акчанын базасы. Былтыр 1-декабрга карата 106 миллиард 190,4 миллион сомду түзгөн. Бул базага жүгүртүүдөгү акчалар (элдин колундагы акча), резервдер жана депозит уюмдарынын депозиттери кирет.

Жалпысынан Кыргызстандын 10,3 тонна алтыны бар (2018-жылдын 28-ноябрына карата), анын наркы былтыр ноябрь айынын аягына карата 824,9 миллион сом деп бааланган. Демек акча базасындагы ар бир сомго 28 тыйын өлчөмүндөгү алтын туура келет.

Ондон ашык валютадан турган алтындын запасы жана CDR (карыз алуу боюнча атайын укук — жасалма резерв жана Дүйнөлүк банктын төлөө каражаты) эл аралык резервди түзөт. Аларды "алтын-валюталык резерв" деп да аташат. Ноябрь айынын аягына карата ал 2 миллиард 106,05 миллион долларды түзгөн. Ноябрдын акыркы күнүндөгү расмий курс боюнча (69,8475) эсептегенде 147,1 миллиард сомго барабар. Башкача айтканда, ар бир сом баасы 1 сом 38,5 тыйын болгон алтын-валюта резерви камсыздалган.

Тема боюнча

Евро, рубль, юандан да туруктуу болуптур. Сомдун кадыры
Белгилер:
алтын, валюта, сом, акча, Улуттук банк
Колдонуу эрежелериПикирлер

ЭҢ МААНИЛҮҮ