22:55 23 Тогуздун айы 2019
Түз эфир
  • USD69.8230
  • EUR77.6292
  • RUB1.0944
Алтын кени. Архив

Кытай "Жерүйгө" да көз артып жатабы? Профсоюз коңгуроо кагууда

© Sputnik / Евгений Епанчинцев
Экономика
Кыскача шилтеме алуу
207 0 0

Профсоюз жергиликтүү жумушчулардын ордун Кытайдан келген ишчилер басышы мүмкүн деп кабатырланууда.

БИШКЕК, 16-ноя. — Sputnik. Канаданын Centerra Gold Inc. компаниясынын үлүшү сатылса, кыргызстандык жумушчулар өз ордуларын сактап калышы керек. Бул тууралуу тоо-кен металлургия профсоюзунун төрагасы Элдар Тажибаев билдирди.

Анын айтымында, акыркы кезде ЖМКда Centerra компаниясынын жетекчилиги өз үлүшүн Кытайдын Shadong Gold ("Шандунь Голд") компаниясына сатуу боюнча активдүү аракеттер жүрүп жатканын жазып жатышат. Буга чейин "Кыргызалтын" ААКы маанилүү маселелерди кабыл алууда Centerra Gold компаниясынын бардык акционерлери катыша турганын билдирген. Башкача айтканда, "Кыргызалтын" ААКтын да пикири эске алынат.

Тажибаев, андан сырткары, Кыргызстандын тоо-кен метталлургиялык профсоюзунда Кытайдын компаниялары кен чыккан жерлерди, анын ичинен "Кумтөр", "Жерүй" сыяктуу кендерди иштетүүгө укук алууга кызыкдар экени тууралуу маалыматтар бар экенин айтты. Ошондой эле Centerra компаниясынын жетекчилиги түрдүү компаниялардан чындыгында эле ар кандай сунуштар түшүп жатканын четке какпаганын белгиледи.

"Кытай компаниясы Кыргызстанга дагы Centerra компаниясындагы үлүшүн сатуу боюнча кайрылат деп ойлойбуз. Алар сунуштаган сумма менен шарттан баш тартуу кыйын болот. Тилекке каршы, Кытай компаниясы тыштан жумушчу алып келип иштетет жана подрядчы компанияларды жалдайт. Алардын көбү Кытайдын компаниялары. Эгер "Кумтөр" долбоору кытайлык компанияга өтсө, ишкананын кадрдык түзүмү өзгөрүшү ыктымал", — деди Тажибаев.

Кыргызстандын тоо-кен-метталлургиялык профсоюзу жергиликтүү жумушчулардын санын азайтпоого бардык аракеттерин көрөт деп ишендирүүдө. Андан сырткары, кыргызстандык жумушчулардын эмгек шартын төмөндөтпөөгө (айлыгынын көлөмүн, эмгекти сактоо жана техникалык коопсуздук, жамааттык келишим, социалдык пакет, профсоюздун укугу) аракет кылат.

Профсоюз өкмөткө сүйлөшүүлөрдү жүргүзүүдө ушул нерселерди эске алууну суранат.

Тема боюнча

"Кумтөр" кытай компаниясына сатылганы жатабы? "Кыргызалтындын" жообу
Centerra сатылабы? Исаковдун макулдашуусуна Абылгазиевдин ичи чыкпайт
Белгилер:
компания, сатуу, алтын, кен, Centerra Gold Inc, Элдар Тажибаев, Кыргызстан

ЭҢ МААНИЛҮҮ